Գիտնականներին հաջողվել է «հարություն տալ» «Գահերի խաղի» ահավոր գայլին

13 000 տարի առաջ անհետացած եւ HBO-ի «Գահերի խաղը» սերիալից հայտնի դարձած գայլը վերադառնում է պատմության մեջ առաջին, այսպես կոչված, «հարության» շնորհիվ, հաղորդել է NYP-ը:

Երեք գայլերը՝ Ռոմուլը, Ռեմը եւ Կհալիսին, ստեղծվել են հնագույն բրածո գայլերի ԴՆԹ-ի եւ նրանց ամենամոտ ազգականի՝ գորշ գայլի գեների միջոցով:

Արտասովոր արդյունքները ներկայացվել են Colossal Biosciences-ի՝ գենային ինժեներիայի նույն Տեխասի ընկերության կողմից, որն ստեղծել է հսկա բրդոտ մկանը։

«Մեր թիմը վերցրել է 13 000-ամյա ատամի եւ 72 000-ամյա գանգի ԴՆԹ-ն եւ աճեցրել առողջ գայլուկներ»,-  ասել է Colossal-ի գլխավոր տնօրեն Բեն Լեմը։ «Մի ժամանակ ասվել է. «Ցանկացած բավականաչափ առաջավոր տեխնոլոգիա չի տարբերվում կախարդանքից»։ Այսօր մեր թիմը կարող է բացահայտել կախարդանքի մի մասը, որի վրա աշխատում է, եւ դրա ավելի լայն ազդեցությունը բնության պահպանման վրա»։

Colossal-ը կլոնավորել է բարձրորակ բջջային գծերը դոնորական ձվաբջիջներում սոմատիկ բջիջների միջուկների տեղափոխման օգնությամբ եւ դրանք ներդրել է փոխնակ շուն-մոր մեջ, որը գայլուկներին ծնել է հունվարին։

Հնագույն ԴՆԹ-ն վերցվել է քարացած ատամից, որը հայտնաբերվել է Օհայոյում, այն 13 000 տաեկան է, եւ ներքին ականջի ոսկորից, որը գտնվել է Այդահոյում, որը 72 000 տարեկան է։

Երկու վեցամսյա որձ գայլուկները՝ Ռոմուլը եւ Ռեմը, եւ էգ Կհալիսին այժմ ապրում են «անվտանգ բնապահպանական արգելոցում»՝ ավելի քան 2 000 ակր մակերեսով, այն ունի 10 հաստիքային աշխատակից, որոնք ապահովում են նրանց շուրջօրյա խնամքը։ «Ահավոր գայլերը հայտնվել են HBO-ի «Գահերի խաղում»։ Սերիալում գայլերը Սթարկների տան խորհրդանիշն են կամ թալիսմանը։

Կհալիսին այդպես է անվանվել նաեւ ի պատիվ Դեյներիս Թարգարիենի կերպարի, որին սերիալում մարմնավորում է Էմիլիա Քլարկը։

Այս գայլերը իրական գիշատիչներ են եղել, որոնք ապրել են Հյուսիսային Ամերիկայում մաստոդոնտների եւ թրատամ վագրերի հետ Սառցե դարաշրջանում։ Նրանք զբաղվել են ձիերի, բիզոնների եւ, գուցե, մամոնտների որսով։