Այս մասին Հանրային հեռուստաընկերությանը տված հարցազրույցում հայտարարել է ՀՀ փոխվարչապետ Տիգրան Խաչատրյանը՝ նշելով, որ հատկացված գումարների ավելի քան 85-90 տոկոսը տրամադրվել է բացառապես պետական բյուջեից։
«Իհարկե, այդտեղ եղել են նաև միջազգային կազմակերպությունների աջակցությամբ հատկացված լրացուցիչ գումարներ, որոնց մենք շնորհակալ ենք, բայց մեր աշխատանքի սկզբունքը մեկն է եղել՝ երբ որոշում ենք, որ ծրագիրն անհրաժեշտ է, սպասել չենք կարող։ Իրականացնում ենք մեր բյուջետային միջոցներով, և հետո, եթե լինում են գործընկերներ, որոնք ցանկություն են հայտնում միանալ, դա միայն ողջունելի է», – ընդգծել է փոխվարչապետը։
Խաչատրյանի խոսքով՝ միջազգային համաժողովների միջոցով ֆինանսական միջոցների մոբիլիզացման ակնկալիքները գերագնահատված են, և կառավարությունը չի կառուցում իր քաղաքականությունը նման սպասումների վրա։
«Մենք չենք տեսնում այդպիսի լրացուցիչ հնարավորություն, եթե մենք տեսնենք՝ որ խնդիրն է, որը՝ լուծված չէ և հնարավոր է լուծել որևէ լրացուցիչ համաժողով անցկացնելու կամ կազմակերպելու արդյունքում, իհարկե, կարող ենք դա անել, բայց դրա կարիքը և անհրաժեշտությունն այս փուլում մենք չենք տեսնում»,-նշել է Խաչատրյանը:
Լեռնային Ղարաբաղից բռնի տեղահանվածներին աջակցելու նպատակով ֆինանսական միջոցներ ներգրավելու համար միջազգային համաժողովներ անցկացնելու առաջարկով հանդես էր եկել արցախցիների իրավունքների պաշտպանության խորհուրդը, որի նախաձեռնությամբ մարտի 29-ին Ազատության հրապարակում հանրահավաք էր անցկացվել։
Հանրահավաքի մասնակիցները պահանջում էին պահպանել իրենց տրամադրվող 40+10 հազար դրամ սոցիալական աջակցությունը, ինչպես նաև ապահովել իրենց քաղաքական իրավունքների պաշտպանությունը։ Հանրահավաքից հետո արցախցիների իրավունքների պաշտպանության խորհրդի անդամների հետ հանդիպել էր ՀՀ փոխվարչապետ Տիգրան Խաչատրյանը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում