Գերմանիայի ոստիկանությունը հայտնաբերել և փակել է մանկական պոռնոգրաֆիայի աշխարհի ամենամեծ կայքը՝ 1,8 մլն օգտատերով

Հարթակն ուներ 1,8 միլիոն օգտատեր ամբողջ աշխարհում:  Ընդհանուր առմամբ, KidFlix-ում եղել է ավելի քան 91,000 տեսանյութ երեխաների նկատմամբ սեռական բռնության պատկերներով և տեսագրություններով: Տեսանյութերի ընդհանուր տևողությունը եղել է 6,288 ժամ, հայտնել է Բավարիայի ոստիկանությունը:

«KidFlix հոսքային ծառայության փակումը վերջին տարիների, եթե ոչ երբևէ ամենամեծ հարվածներից մեկն էր մանկական պոռնոգրաֆիային», - ընդգծել է Բավարիայի քրեական ոստիկանության ղեկավարի տեղակալ Գվիդո Լիմերը:

Հատուկ գործողությունը ղեկավարել է Գերմանիայի ոստիկանությունը, որին աջակցել են 38 երկրի, այդ թվում՝ Ավստրալիայի, Կանադայի և ԱՄՆ-ի իշխանությունները՝ Եվրոպոլի համակարգմամբ:

Իշխանությունները կարողացել են բացահայտել հարթակի գրեթե 1,400 անհատ օգտատերերի: Մարտին ոստիկանությունը խուզարկություններ է իրականացրել 31 երկրում: 

KidFlix-ը ստեղծվել է 2021 թվականին «կիբերհանցագործի կողմից, որը հսկայական շահույթ է ստացել դրանից, քանի որ այն արագորեն դարձել է մանկապիղծների շրջանում ամենահայտնի հարթակներից մեկը», նշել է Եվրոպոլը: Վերջինիս տվյալներով՝  նախքան փակվելը մեկ ժամում կայք էր վերբեռնվում մոտ 3,5 նոր տեսահոլովակ։