Թրամփը հայտարարել է, որ Զելենսկուց նամակ է ստացել խաղաղ բանակցությունների պատրաստակամության մասին

ԱՄՆ նախագահը Կոնգրեսում հանդես է եկել ուղերձով։ Նա հայտարարել է, որ նամակ է ստացել Ուկրաինայի նախագահ Վլադիմիր Զելենսկուց, որում նա հայտարարում է խաղաղ բանակցությունների պատրաստակամության մասին: Այս մասին փոխանցում է bbc-ին։

Նրա խոսքով՝ Ռուսաստանի կողմից ևս խաղաղության պատրաստակամության մասին ահազանգեր են ստացվել։ «Այսօր ես կարևոր նամակ ստացա Ուկրաինայի նախագահ Զելենսկուց։ Նամակում ասվում է․ «Ուկրաինան պատրաստ է որքան հնարավոր է շուտ նստել բանակցությունների սեղանի շուրջ, որպեսզի մերձեցնի կայուն խաղաղությունը։ Ոչ ոք ավելի շատ խաղաղություն չի ուզում, քան ուկրաինացիները»,-ասել Է Թրամփը։

Նրա խոսքով՝ Զելենսկին նաև հայտարարել է «ցանկացած հարմար պահի» հանքային ռեսուրսների մասին համաձայնագիր ստորագրելու պատրաստակամության մասին:

Թրամփն ասել է, որ շնորհակալ է նամակի համար՝ հավելելով. «Միաժամանակ մենք լուրջ բանակցություններ ենք վարել Ռուսաստանի հետ և ստացել հզոր ազդանշաններ, որ նրանք պատրաստ են խաղաղության»: