ԱՄՆ Պետդեպարտամենտը ծրագրում է մասնակիորեն չեղարկել Ուկրաինային տրամադրվող օգնության սահմանափակումները

«Պետդեպարտամենտի բարձրաստիճան պաշտոնյաները կազմում են Ուկրաինային օտարերկրյա օգնության սառեցումից լրացուցիչ բացառությունների ցուցակը, որը երկրին հնարավորություն կտա օգտվել տնտեսական և անվտանգության որոշակի օգնությունից»,- ասվում է հրապարակման մեջ։

Նշվում է, որ հաստատվելու դեպքում Կիևը ավելի մեծ հասանելիություն կստանա Վաշինգտոնի ծրագրերին՝ ի լրումն առկա բացառությունների, որոնք թույլ են տալիս մարդասիրական օգնություն տրամադրել։ Այնուամենայնիվ, պարզ չէ, թե արդյոք բացառություններ կարվեն Պետդեպարտամենտի ֆինանսավորման այն մասի համար, որն ուղղակիորեն կապված է Ուկրաինային զենք մատակարարելու հետ:

«Առաջարկվող բացառությունները ներառում են նաև հաշիվներ, որոնք վերահսկում են ֆինանսավորումը Ուկրաինայի ժողովրդավարական ինստիտուտներին և քաղաքացիական հասարակությանն աջակցելու համար։ Ըստ փաստաթղթի՝ բացառություններ չեն թույլատրվի այն ծրագրերի համար, որոնք նպաստում են բազմազանությանը և հավասարությանը»,–գրում է թերթը։