Արմեն Ջիգարխանյանին շտապ հոսպիտալացրել են. նա չի կարողանում քայլել

Մոսկվայի դրամատիկական թատրոնի հիմնադիր, ԽՍՀՄ ժողովրդական արտիստ Արմեն Ջիգարխանյանին ծանր վիճակում շտապ հոսպիտալացրել են: Այս մասին Dni.Ru-ին հայտնել է թատրոնի մամուլի քարտուղար Նատալյա Կորնեեւան:

«Դիաբետի պատճառով նա չի կարողանում քայլել: Նրան հիվանդանոց է տեղափոխել ռեժիսոր Յուրի Կլեպնիկովը»,- ասել է Կորնեեւան: Բժիշկներն առայժմ զգուշանում են կանխատեսում կատարել:

Հավանաբար դերասանի առողջության վրա ազդել է վերջին շաբաթների սթրեսը եւ բազմամյա ռեժիմի խանգարումը: Նա վշտանում էր, որ երիտասարդ կնոջ հետ գժտվելու պատճառով դարձել է սկանդալային քրոնիկայի հերոսը: Դրանից զատ, Արմեն Բորիսովիչը պետք է խստագույն դիետա պահպաներ, բժիշկներն արգելել են շատ ճաշատեսակներ:

Ջիգարխանյանը հոկտեմբերին 10 օր հիվանդանոցում էր անցկացրել, եւ կնոջը թույլ չէին տալիս նրան տեսակցել: Դերասանի դուրս գրվելուց հետո նրա խնամակալն է դարձել ընկերը՝ Արթուր Սողոմոնյանը, քանի որ նա մշտական խնամքի կարիք ունի: Ի դեպ, դերասանը կին եւ քույր ունի:

 NEWS.am

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)