Թուրքիայի ԱԳՆ–ում բանագնաց Սերդար Քըլըչի եւ Կարսից ժամանած ներկայացուցիչները քննարկել են սահմանի բացման հարցերը

Թուրքական BHA գործակալության փոխանցմամբ՝  հանդիպման ժամանակ հայ–թուրքական հարաբերությունների կարգավորման հարցով հատուկ բանագնաց Սերդար Քըլըչը մասնակիցներին ներկայացրել է գործընթացը ինչ արդյունքների է հասել՝ շեշտելով, որ Հայաստանի հետ սահմանների բացումը կարեւոր ազդեցությւոն կունենա թե Կարսի շրջանի թե ամբողջ երկրի համար։

Կարսի առեւտրի եւ արդյունաբերության պալատի նախագահ Քադիր Բոզանն իր խոսքում նշել է, թե ուշադիր հետեւում են Թուրքիա, Ադրբեջան–Հայաստան հարաբերությունների զարգացումներին՝ շեշտելով, որ խնդիրների կարգավորումից հետո սահմանների բացումը Հայաստանի հետ ոչ միայն Կարսի եւ տարածաշրջանի, այլ երկրի սոցիալ–տնտեսական կյանքի վրա մեծ ազդեցություն կունենա։ Նա պնդել է, թե սահմանի բացումով՝ Կարսում գործազրկության մակարդակը կիջնի, տնետեսությունը արագ կսկի աճել։