Բանկի մամուլի ծառայությունից հայտնում են, որ ծրագրի նպատակն է նվազեցնել աղքատությունը և նպաստել աշխատատեղերի ստեղծմանը և կայունության բարձրացմանը:
Նշվում է, որ Հայաստանը զարգացման զգալի հաջողությունների է հասել վերջին տարիներին։ Այնուամենայնիվ, ենթակառուցվածքների բացերը, ներքին և օտարերկրյա ներդրումների ցածր մակարդակը և գործազրկության բարձր մակարդակը շարունակում են մնալ աճի հիմնական մարտահրավերները: Հայաստանում կրթության և առողջապահության անհավասար արդյունքները սահմանափակումներ են ստեղծում զբաղվածության և արտադրողականության վրա: Սոցիալական պաշտպանության համակարգը պահանջում է բարեփոխումներ՝ ճգնաժամի ընթացքում խոցելի խմբերին ավելի լավ բացահայտելու և աջակցելու համար: Հայաստանը նաև բախվում է երկրաշարժերի լուրջ ռիսկերի և գնալով ավելի խոցելի է դառնում կլիմայի փոփոխության հետևանքների նկատմամբ։
Նոր ռազմավարության նպատակն է ստեղծել նոր, բարձրորակ աշխատատեղեր, հզորացնել մարդկային կապիտալը՝ ընդլայնելով որակյալ առողջապահական համակարգի հասանելիությունը և բարելավելով սոցիալական պաշտպանվածությունը:
«Կենտրոնանալով աշխատատեղերի ստեղծման, մարդկային կապիտալի և ճկունության վրա՝ մենք նպատակ ունենք բարելավելու հայերի կյանքը և օգնելու երկրին հաղթահարել ապագա մարտահրավերները»,- ասել է Համաշխարհային բանկի հայաստանյան գրասենյակի տնօրեն Քերոլայն Գեղինաթը:
Նոր ռազմավարության իրականացումը նախատեսում է սերտ համագործակցություն Համաշխարհային բանկի խմբի կառույցների, այդ թվում՝ Վերակառուցման և զարգացման միջազգային բանկի (ՎԶՄԲ) և Միջազգային ֆինանսական կորպորացիայի (ՄՖԿ) միջև:
Վերակառուցման և զարգացման միջազգային բանկն ակնկալում է մոտ 1 միլիարդ դոլարի ֆինանսավորում առաջիկա հինգ տարիների ընթացքում, իսկ Միջազգային ֆինանսական կորպորացիան՝ մինչև 700 միլիոն դոլար:
COP-17-ին ընդառաջ «Նորագյուղ» նոր ենթակայանի կառուցումն ավարտին է մոտենում. Պետրոսյան
Կամային հաղթանակ սեփական հարկի տակ
Տրոեկուրովսկի գերեզմանատանը բացվել է Ֆիլիպ Կիրկորովի ծնողների հուշարձանը (տեսանյութ)
Ռուսաստանը և Թուրքիան քննարկել են իրավիճակը Հարավային Կովկասում և Կենտրոնական Ասիայում
Ադրբեջանի և Վրաստանի տարածքով տարանցմամբ Հայաստան կիրականացվի հերթական մատակարարումը
Երևանում սպանության փորձի և առողջությանը ծանր վնաս պատճառելու հատկանիշներով հետախուզվող է հայտնաբերվ...
Ռուսաստանի բյուջեի դեֆիցիտը հասել է ՀՆԱ-ի 2,5 տոկոսին
Մեղրիի համայնքապետ Խաչատուր Անդրեասյանը կալանավորվել է
Հութիները գրավել են Մոխա քաղաքը. Al Jazeera
Խմելու ջրի նմուշներում անհամապատասխանություն չի հայտնաբերվել. ՀՎԿԱԿ-ը՝ Բյուրեղավանում աղիքային վարակ...