Հիշեցնենք, որ այս «գործով» երկրորդ դատական նիստը կայացավ այսօր։ Մեղադրյալներին ֆորմալ առումով տրամադրվում են փաստաբաններ և թարգմանիչներ, իսկ ֆորմալ առումով փաստաբաններին թույլատրվում է նույնիսկ միջնորդություններ ներկայացնել։ Փաստաբաններից ոմանք այսօր կալանքը տնային կալանքով փոխարինելու միջնորդություններ են ներկայացրել, որին հետևել են մեղադրող կողմի և «տուժողների» առարկությունները։
Ի դեպ, այս «գործով» տուժող է ավելի քան 531 հազար մարդ։ Սրանք «փախստականներն» են՝ Լեռնային Ղարաբաղի հարակից յոթ շրջանների ադրբեջանցիները, ովքեր լքել են Հայաստանը և Լեռնային Ղարաբաղը Ադրբեջանի կողմից սանձազերծված հակամարտության արդյունքում։ Հիշեցնենք, որ երեք տասնամյակ է, ինչ Ադրբեջանի իշխանությունները ամեն քայլափոխի խոսում են «միլիոն» փախստականների մասին։
Մեղադրող կողմին դատարանում աջակցում են վեց դատախազներ։
Մեղադրյալները 15-ն են, այդ թվում՝ ԼՂՀ նախկին նախագահներ Արկադի Արշավիրովիչ Ղուկասյանը, Արայիկ Վլադիմիրովիչ Հարությունյանը, Բակո Սահակովիչ Սահակյանը, ԱԺ նախկին խոսնակ Դավիթ Ռուբենովիչ Իշխանյանը, նախկին արտգործնախարար Դավիթ Կլիմովիչ Բաբայանը, պաշտպանության նախկին նախարար Լևոն Հենրիխովիչ Մնացականյանը, պաշտպանության նախկին փոխնախարար Դավիթ Ազատովիչ Մանուկյանը, Գարիկ Գրիգորիևիչ Մարտիրոսյանը, Մելիքսեթ Վլադիմիրովիչ Փաշայանը, Դավիթ Նելսոնովիչ Ալլահվերդյանը, Գուրգեն Գոմերովիչ Ստեփանյանը, Լևոն Ռոմիկովիչ Բալայանը, Մադաթ Առաքելովիչ Բաբայանը, Վասիլի Իվանովիչ Բեգլարյանը և Էրիկ Ռոբերտովիչ Ղազարյանը։
Լսումները ընթանում են Բաքվի զինվորական դատարանում՝ դատավոր Զեյնալ Աղաևի նախագահությամբ։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Ուրումչիի մշակութային ուղին. Գրանդ բազար
Սևանում տեղի է ունեցել «Sevan AgriTech Summit»-ը
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից