Չինաստանի և Հայաստանի միջև առևտրաշրջանառությունը նախորդ տարի 38%-ով ավելացել է. ՀՀ-ում Չինաստանի գործերի հավատարմատար
Հայաստանում Չինաստանի դեսպանատանը՝ Նոր տարվան նվիրված ընդունելություն է տեղի ունեցել:
ՀՀ-ում Չինաստանի Ժողովրդական Հանրապետության գործերի հավատարմատար Չեն Մին Հայաստանում Չինաստանի դեսպանատան անունից շնորհավորեց տոնի կապակցությամբ Հայաստանում ապրող, աշխատող, սովորող և բիզնեսով զբաղվող բոլոր չինացիներին՞
Նա նշեց, որ անցած տարին նշանավորվեց նրանով, որ Չինաստանի և Հայաստանի միջև համագործակցությունը տարբեր ոլորտներում նոր արդյունքների հասավ։
«Մեր երկրների միջև հարաբերությունները շարունակում են կայուն զարգանալ, իսկ քաղաքական փոխվստահությունը՝ խորանալ։ Անցյալ տարվա հոկտեմբերին Կազանում կայացած BRICS գագաթնաժողովի շրջանակում նախագահ Սի Ցզինպինը զրույց ունեցավ ՀՀ վարչապետ Նիկոլ Փաշինյանի հետ, ինչը նոր խթան դարձավ երկկողմ հարաբերությունների զարգացման համար»,- հավելեց նա։
Մին հայտնեց, որ անցած տարվա առաջին 11 ամիսների ընթացքում Չինաստանի և Հայաստանի միջև առևտրաշրջանառությունը կազմել է 2.6 միլիարդ ԱՄՆ դոլար, ինչը 38%-ով ավելի է նախորդ տարվա նույն ժամանակահատվածի համեմատ։ Կայուն զարգացում են արձանագրում կարևոր համատեղ նախագծերը, ինչպիսիք են օրինակ՝ Հայաստանի Հանրային հեռուստաընկերության նոր տաղավարի կառուցումը, Հյուսիս-Հարավ ավտոմայրուղին, արևային էլեկտրակայանները և այլ ծրագրեր։
Նրա խոսքով՝ անցած տարվա սեպտեմբերին բացվեց Ուրումչի-Երևան ուղիղ չվերթը, ինչը զգալիորեն հեշտացրեց մարդկանց փոխանակումը մեր երկրների միջև։ Չին զբոսաշրջիկների թիվը Հայաստանում շարունակում է աճել, և տարվա վերջում այն գերազանցեց 38 հազարը, ինչը 60%-ով ավել է նախորդ տարվա համեմատ։
««Չինարենի բումը» շարունակում է աճել Հայաստանում։ Երևանի Վալերիյ Բրյուսովի անվան պետական համալսարանի Կոնֆուցիոսի ինստիտուտը ակտիվորեն աջակցում է չինարենի ուսուցմանը՝ ներգրավելով ավելի ու ավելի շատ հայ քաղաքացիների չինարեն լեզուն ուսումնասիրելու և չինական մշակույթին ծանոթանալու հարցում։ Նաև իրականացվել են բազմաթիվ մշակութային միջոցառումներ, որոնք նպաստել են մեր ժողովուրդների միջև փոխըմբռնման և բարեկամության ամրապնդմանը, նոր խթան տալով Չինաստանի և Հայաստանի միջև բարեկամական հարաբերություններին»,- հավելել է նա։
Իրանական ավելի քան 150 ԱԹՍ հատել Է Իրաքի օդային սահմանը
Իրանը գրոհել է իսրայելական կործանիչների բազաները
Սարգսյանը շարունակում է Փաշինյանի հետ համատեղ խաղը՝ Ռոբերտ Քոչարյանին և նրա քաղաքական ուժին վարկաբեկ...
«World Pride 2025»-ում Ջենիֆեր Լոպեսի անկրկնելի բաց հագուստը դարձավ ամենաքննարկվածը
«Ես չեմ պատրաստվում աջակցել դեր խաղացող մարդուն». Գեղամ Նազարյանը՝ իմպիչմենտի մասին
Նեթանյահուն զգուշացրել է իսրայելցիներին, որ նրանք ստիպված կլինեն երկար ժամանակ անցկացնել ռմբապաստարա...
Փոխվում է դեպի Վրաստան և հակառակ ուղղությամբ ոչ կանոնավոր ուղևորափոխադրումների կարգը
Ռազմիկ Մկրտչյանին փոխարինողը՝ սկանդալում
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին
Ամերիկացի սենատորները նախազգուշացրել են ԱՄՆ-ին Իրանի հետ ռազմական հակամարտության մեջ մտնելուց