«Պուտինը» ծեծել է Գրիֆինների ընտանիքի հորը

ՌԴ նախագահ Վլադիմիր Պուտինը հերթական անգամ հայտնվել է կատակերգական «Գրիֆինները» մուլտսերիալում:

Ռուսաստանի նախագահ Վլադիմիր Պուտինին պատկերող հերոսը դարձավ 16-րդ սեզոնի հերթական սերիայի մասնակից: Ընտանիքի հայրը` Պիտերը նամակ է գրում քաղաքական գործչին եւ նշում, որ յուրաքանչյուր ամերիկացի կարող է հեշտությամբ սիրել ցանկացած ռուսի:

Պուտինին պատկերող հերոսը նամակը ստանալուց հետո մեկնում է ԱՄՆ եւ ծեծի ենթարկում Պիտերին, երբ նրա ձեռքերը պահում են ՌԴ նախագահի թիկնապահները: Հետո Պիտերը եւ Պուտինը կիսամերկ վիճակում ձիավարում են, ապա կրկին կռվում, ապա նաեւ պարում բռնցքամարտի ռինգում:

Վերջում պարզվում է, որ «ՌԴ նախագահը» թույն է լցրել Գրիֆինների ընտանիքի հոր թեյի մեջ եւ թունավորել նրան` ընդ որում ռադիոկատիվ նյութով: 

ԱՄՆ-ում գտնվելու ընթացքում «Պուտինը» «Թրամփից» նամակ առաջարկ է ստանում միասին սեռական հետապնդման ենթարկել կանանց: 

Ընդգծենք, որ ի տարբերություն Ռուսաստանի, ԱՄՆ-ում հաճախ են քաղաքական գործիչների կերպարներն օգտագործում մուլտսերիալներում:

Top-News.am