Զելենսկին պատժամիջոցներ է սահմանել Վրաստանի կառավարության որոշ անդամների նկատմամբ

Ուկրաինայի նախագահ Վլադիմիր Զելենսկին հրամանագիր է ստորագրել իշխող «Վրացական երազանք» կուսակցության հիմնադիր Բիձին Իվանիշվիլիի, վարչապետ Իրակլի Կոբախիձեի և Թբիլիսիի քաղաքապետ Կախա Կալաձեի դեմ պատժամիջոցներ սահմանելու մասին։

Ցուցակում ընդհանուր առմամբ կա 19 մարդ։
Զելենսկին պատժամիջոցների ենթարկված անձանց մեղադրել է «Վրաստանի և նրա ժողովրդի շահերը վաճառելու» մեջ և կոչ է արել Ուկրաինայի եվրոպացի գործընկերներին և ԱՄՆ-ին՝ ևս միջոցներ ձեռնարկել։

«Սրանք պատժամիջոցներ են Վրաստանի կառավարության այն հատվածի դեմ, որ Վրաստանը հանձնում է Պուտինին», - հայտարարել է Զելենսկին։

Վրաստանի նախագահ Սալոմե Զուրաբիշվիլին շնորհակալություն է հայտնել ուկրաինացի գործընկերոջը՝  Վլադիմիր Զելենսկիին, իշխող «Վրացական երազանք» կուսակցության 19 անդամների, այդ թվում՝ իշխող կուսակցության հիմնադիր և նրա պատվավոր նախագահ Բիձինա Իվանիշվիլիի, վարչապետ Իրակլի Կոբախիձեի նկատմամբ պատժամիջոցներ կիրառելու համար։

X սոցիալական ցանցում Սալոմե Զուրաբիշվիլին գրել է.«Շնորհակալություն Վոլոդիմիր: Ռուսաստանը փորձում է վերականգնել վերահսկողությունը Սև ծովի վրա»:

Այս թեմայով Ուկրաինան երբեք չի եղել և չի լինի խաղաղության խոչընդոտ. Զելենսկին՝ Թրամփին Զելենսկի. Թրամփի հետ ուկրաինական պատվիրակության հաջորդ հանդիպումը կկայանա հունվարին Կիևում բացատրել են Զելենսկու որոշումը՝ զիջումների հարցը հանրաքվեի դնելու վերաբերյալ Ռոյթերս. Ուկրաինայի՝ ՆԱՏՕ-ից հրաժարվելը չի ​​ազդի բանակցությունների վրա Ես պատրաստ եմ. Զելենսկին՝ նախագահական ընտրությունների մասին