Կիմ Չեն Նամի դիահերձման արդյունքները կհրապարակվեն օրվա ընթացքում
Մալայզիայի ոստիկանությունը փետրվարի 15 կկատարի Կուալա Լումպուրում մահացած Կիմ Չեն Նամի՝ Հյուսիսային Կորեայի նախագահ Կիմ Չեն Ընի ավագ եղբոր դիահերձումը: Այս մասին ՏԱՍՍ-ին հայտնել է Մալայզիայի ոստիկանության մամուլի ծառայության աշխատակիցը:
«Ներկայումս մահվան պատճառների մասին տեղեկություն չենք ստացել»,- հավելել է նա:
Երեքշաբթի Մալայզիայի ոստիկանությունը հայտնել էր, որ Հյուսիսային Կորեայի քաղաքացին, որը մահացել է մայրաքաղաքի օդանավակայանում, Կիմ Չեն Նամն է: «Նա երկրորդ սպասասրահում սպասում էր Մակաո թռիչքին: Նա օգնության է դիմել ուժեղ գլխապտույտի պատճառով եւ ասել, որ անհայտ անձն իր դեմքին ինչ-որ հեղուկ է ցողել, որից հետո թաքնվել է»,- ասել է Սելանգոր նահանգի ոստիկանապետի օգնական Ֆադզիլ Ահմադը:
Կիմ Չեն Նամը Հյուսիսային Կորեայի նախկին նախագահ Կիմ Չեն Իրի ավագ որդին է, որը ծնվել է հյուսիսկորեացի հայտնի դերասանուհի Սոն Հե Ռիմի հետ արտաամուսնական կապից: Կիմ Չեն Նամն ինչ-որ ժամանակ համարվում էր նախագահի պաշտոնում հոր ամենահավանական ժառանգորդը, սակայն շնորհազրկվել է 2001 թվականին կեղծված անձնագրով Ճապոնիա մեկնելու փորձի պատճառով եւ մինչեւ հիմա արտասահմանում էր ապրում, մասնավորապես չինական անկլավ Մակաոյում:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
2027 թ. պետական բյուջեի նախնական քննարկում. ԱԺ մշտական հանձնաժողովների համատեղ նիստ (տեսանյութ)
Կրկին ակտիվացել են ՆԳՆ անունից զեղծարարության փորձերը