Ռասիստական ​​անվանման պատճառով Կալիֆորնիան կվերանվանի մոտ 30 բնակավայրերի աշխարհագրական օբյեկտները

Կալիֆորնիայի նահանգապետ Գևին Նյուսոմը 2022 թվականին օրենք էր ստորագրել, որն արգելում է «squaw» բառի օգտագործումը ապագա տեղանուններում ևկարգադրել էր գործակալությանը վերանվանել բոլոր այն վայրերը, որտեղ օգտագործվել է այդ վիրավորանքը, ներառյալ փողոցները, կամուրջները, հասարակական շենքերը և գերեզմանատները, հաղորդում է  Los Angeles Times-ը: Կալիֆորնիայի հնդկացի ցեղերի ներկայացուցիչների հետ խորհրդակցելուց հետո նոր անուններ են ընտրվել 15 շրջանների ավելի քան 30 բնակավայրերի համար:

Կալիֆորնիայի աշխարհագրական անվանումների հարցով խորհրդատվական կոմիտեն կաշխատի մինչև հունվարի 1-ը կյանքի կոչել հաստատված նոր անունները: Օրինակներից մեկը Արևմտյան Սակրամենտո քաղաքում է, որտեղ տեղական պաշտոնյաները Յոչա Դեհե Վինթուն ժողովրդի հետ միասին երկու նոր փողոցի անվանում են որոշել՝ հայհոյանք օգտագործող հին անվանումները փոխարինելու համար: Յոչա Դեհե Վինթունի ցեղային խորհրդի կողմից առաջարկված անվանումը «tebti» է, որը թարգմանաբար նշանակում է «միասին հոսող հոսանքներ»:

Կալիֆորնիայում նոր անվանումների ամբողջական ցանկը կհրապարակվի մոտ ժամանակներս, Associated Press լրատվական գործակալությանն է հայտնել  Բնական ռեսուրսների գործակալությունը։

Օրինագիծը հեղինակել է Ասամբլեայի անդամ Ջեյմս Ռամոսը, որը 2018 թվականին դարձել է Կալիֆորնիայի բնիկ ամերիկացիների կողմից ներկայացված առաջին նահանգային օրենսդիրը: Նա Սան Մանուել հնդկացիական ռեզերվացիայի բնակիչ է և Սերանո/Կահուիլյա ցեղի անդամ։