Լուկաշենկոն մեկնաբանել է Դուդայի՝ Բաքվի գագաթնաժողովում իր հետ լուսանկարվելուց հրաժարվելը

Լուկաշենկոն հայտարարել է, որ Լեհաստանի առաջնորդ Անջեյ Դուդայի հրաժարումը Բաքվում կլիմայական գագաթնաժողովում միասին լուսանկարվելուց աննկատ է անցել, գրում է РИА Новости-ն։ Լուկաշենկոն ընդգծել է, որ Դուդայի դեմարշի մասին իմացել է Բելառուսի ԱԳՆ ղեկավար Մաքսիմ Ռիժենկովից և նշել, որ գագաթնաժողովին ներկաներից  Լեհաստանի նախագահի բացակայությունը ոչ ոք չի նկատել։

Լուկաշենկոն իր ելույթում միաժամանակ քննադատել է Դուդային Լեհաստանում բնության պահպանման մասին խոսելու համար։ Նա ուշադրություն է հրավիրել Բելովեժսկայա Պուշչայում գտնվող ցանկապատի վրա, որն, ըստ նրա, հանգեցնում է կենդանիների մահվան։ Լուկաշենկոն հավելել է, որ ինքը չի կենտրոնացել այս հակասության վրա, թեև դա արձանագրել է իր մտքում։

Բացի դրանից, Լուկաշենկոն խոսել է կլիմայական խնդիրների նկատմամբ համաշխարհային առաջնորդների մոտեցման մասին՝ նշելով Դուբայում անցկացված նախորդ գագաթնաժողովը։ Նրա կարծիքով, շատ առաջնորդներ մտահոգություն են հայտնում օրակարգի վերաբերյալ, սակայն պատրաստ չեն իրական գործողությունների։ «Ամերիկացիները մտան ու դուրս եկան՝ միջանցիկ բակի պես»,- ​​ասել է Լուկաշենկոն՝ հավելելով, որ միջոցառումներն ավելի շատ ձևականության և սրանկյուն նշում անելու համար են անցկացվում։

Հիշեցնենք, որ Լեհաստանի նախագահ Անջեյ Դուդան Բելառուսի ղեկավար Ալեքսանդր Լուկաշենկոյի ներկայության պատճառով հրաժարվել էր նկարահանվել Բաքվում ՄԱԿ-ի կլիմայական գագաթնաժողովի (COP-29) մասնակիցների համատեղ լուսանկարից։