Ֆրանսիայի և ԱՄԷ-ի հատուկ ծառայությունները 2017-ին «կոտրել» են Դուրովի iPhone-ը

Ֆրանսիայի և ԱՄԷ-ի հատուկ ծառայությունները 2017 թվականին «կոտրել» են Telegram մեսենջերի հիմնադիր Պավել Դուրովի iPhone-ը: Այդ մասին հայտնել է The Wall Street Journal (WSJ) ամերիկյան պարբերականը՝ հղում անելով աղբյուրներին:

Պարբերականի զրուցակիցների խոսքով՝ դա հատուկ ծառայությունների երկարաժամկետ խնդիրն էր, քանի որ ֆրանսիական իշխանությունները կասկածով էին վերաբերվում մեսենջերին և խիստ մտահոգված էին, որ «Իսլամական պետություն» խմբավորումն այն օգտագործում է գրոհայիններ հավաքագրելու և ահաբեկչություններ կազմակերպելու համար: Լրտեսական գործողությունը ստացել է Purple Music կոդային անվանումը։