Ռուս փորձագետ. Ադրբեջանի պատմության դասագրքերում Ռուսաստանը ներկայացվում է որպես «թշնամի»

Պուտինի Բաքու այցի առիթով։ Ռուսաստանը Ադրբեջանի հետ բանակցություններում պետք է ունենա չորս հիմնական թեմա։ Մնացածը կարելի է քննարկել Թուրքիայի հետ։ Այս մասին սոցցանցում գրել է ռուս քաղաքագետ Վադիմ Տրուխաչովը։

«1) Ռուսաստանում ադրբեջանական էթնահանցագործության և ադրբեջանական սփյուռքի կազմակերպված հանցավոր խմբերի գործունեության ծավալումը. ВБОН-ի, «գորշ գայլերի» և նմանատիպ կառույցների համատեղ ծածկի տակ:

2) Ադրբեջանի օգնությունը Ուկրաինային, Հատուկ ռազմական գործողության (ՀՌԳ) լուսաբանումը ադրբեջանական լրատվամիջոցներում, նրա քաղաքացիների մասնակցությունը Ուկրաինայի զինված ուժերում և ադրբեջանցիների հարձակումները ՀՌԳ մասնակիցների վրա։

3) Ռուսների և Դաղստանի ժողովուրդների ներկայացուցիչների վիճակն Ադրբեջանում։ Ադրբեջանի կողմից 1990-ականներին 300 հազար ռուսների բռնության և վտարման պատասխանատվության ընդունումը։

4) Ադրբեջանի պատմության դասագրքերի բովանդակությունը, որտեղ Ռուսական կայսրությունը և Խորհրդային Միությունը ներկայացվում են որպես «թշնամիներ», «գաղութարարներ» և «հալածողներ»:

Մնացած բոլոր հարցերը կարող են ուղղակիորեն քննարկվել Թուրքիայի հետ, որի քաղաքականությանն ամբողջովին հետևում է Ադրբեջանը։ Միևնույնն է, Ալիևը կանի այնպես, ինչպես իրեն Էրդողանը կասի։

Ենթադրում եմ, որ փակ դռների հետևում մանրամասն կքննարկվի երկրորդ կետը, առաջինը՝ անցողիկ։ Երրորդին ու չորրորդին ձեռք չեն տա։ Իսկ հրապարակավ գովեստներով ողողելու են միմյանց»,- գրել է քաղաքագետը։