Մասկի ու Թրամփի հարցազրույցը X-ում արդեն մոտ մեկ միլիարդ դիտում է հավաքել

Ամերիկացի ձեռնարկատեր Իլոն Մասկը X-ի իր միկրոբլոգում հայտնել է, որ ԱՄՆ նախկին նախագահ Դոնալդ Թրամփի հետ հարցազրույցը և X սոցցանցում դրա հետագա քննարկումները մոտ մեկ միլիարդ դիտում են հավաքել, հաղորդում է ՌԻԱ Նովոստին։

«Դոնալդ Թրամփի հետ հարցազրույցի և այլ օգտահաշիվների կողմից դրա հետագա քննարկումների համակցված դիտումներն այժմ մոտ 1 միլիարդ են», - գրել է Մասկը:

Ավելի վաղ Մասկը X սոցցանցի «Spaces» հարթակում հարցազրույց էր անցկացրել ԱՄՆ նախկին նախագահ, նախագահի հանրապետական թեկնածու Դոնալդ Թրամփի հետ, իսկ հուլիսին գործարարը հայտարարություն էր տարածել՝ հայտնելով նախագահական մրցավազքում Թրամփին աջակցելու մասին։