Աշխարհի ամենատարօրինակ հրաբուխը արագորեն անցնում է գետնի տակ
Փենսիլվանիայի պետական համալսարանի ամերիկացի գիտնականները պարզել են, որ Տանզանիայում գտնվող Օլդոինյո-Լենգայի արտասովոր հրաբուխը վերջին 10 տարվա ընթացքում արագորեն անցնում է գետնի տակ։ Հետազոտությունը հրապարակվել է Geophysical Research Letters (GRL) գիտական ամսագրում:
Օլդոինյո Լենգայը միակ հրաբուխն է աշխարհում, որն ակտիվորեն կարբոնատիտ լավա է ժայթքում․ մագմայի չափազանց ծորուն տեսակ, որը հարուստ է կալցիումով և նատրիումով, բայց աղքատ՝ սիլիցիումով: Արդյունքում կարբոնատիտի մագման հոսում է սովորական ջրի պես։
Արբանյակային տվյալները ցույց են տվել, որ Օլդոինյո Լենգայը խորտակվում է գետնի տակ տարեկան մոտ 3,6 սանտիմետր արագությամբ: 2013-ից 2023 թվականներին 2963 մետր բարձրությամբ հրաբուխը 36 սանտիմետրով իջել է։
Այս երևույթի պատճառ կարող է լինել հրե լեռան երկու խառնարաններից մեկի տակ գտնվող դատարկ ամբարը։ Ուղեծրային լուսանկարների համաձայն, հրաբխի հյուսիսային խառնարանի շուրջ հողային հատվածը հաստատուն արագությամբ նստում է, նշում են գիտնականները:
Հետազոտության համաձայն, այս ամբարը կարող է կապված լինել մագմայի ավելի խոշոր ամբարի հետ, որը գտնվում է հրաբխի տակ երեք կիլոմետր կամ ավելի խորության վրա:
Փորձագետները կարծում են, որ առաջիկա տարիներին Օլդոինյո Լենգայը կշարունակի ժայթքել և նստել։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...