Արհեստական ​​բանականության վրա հիմնված նոր ալգորիթմը կճանաչի հարբած վարորդներին

Մեքենաների մեջ ներկառուցված համակարգիչները մի գեղեցիկ օր գուցե պարզեն՝ արդյոք վարորդը հարբած է՝ սոսկ նրա դիմագծերին նայելով, ասում են գիտնականները:

Մշտապես վերահսկելով վարորդի հարբածության բնորոշ նշաններին՝ հնարավոր կլինի նվազեցնել հարբած վարորդների մեղքով վթարների թիվը:

I EEE Xplore ռեսուրսում զետեղված հոդվածում նկարագրված նախագիծը Էլեկտրատեխնիկայի և էլեկտրոնիկայի ինժեներների ինստիտուտի (IEEE) և համակարգչային տեսողության հիմնադրամի (CVF) կոնֆերանսի շրջանակում, ավտոմոբիլային հաշվողական համակարգերին հնարավորություն է տալիս մեքենան նստելու պես 75% ճշգրտությամբ գնահատել վարորդի հարբածության աստիճանը:

Տեխնոլոգիան գերազանցում է գոյություն ունեցող համակարգչային եղանակները, որոնք հիմնված են դիտարկելի վարքի այնպիսի բնութագրերի վրա, ինչպիսին են ղեկի կառավարման բնույթը, ոտնակների օգտագործումը և մեքենայի արագությունը: Այս տվյալները հնարավոր է հավաքել և մշակել միայն, երբ մեքենան երկար ժամանակ շարժման մեջ է:

Նոր նախագծում օգտագործվում է մեկ գունավոր տեսախցիկ, որը հետևում է այնպիսի փոփոխականների, ինչպիսին հայացքի ուղղությունն ու և գլխի դիրքն են: Ընդհանուր համակարգը կարող է ներառել նաև վարորդի դեմքի 3D և ինֆրակարմիր նկարահանումը և ավտոմեքենայի հետնամասի տեսագրությունը, որոնք ցույց են տալիս վարորդի կեցվածքը, ինչպես նաև ղեկի փոխներգործությունը, իրադարձությունների գրանցամատյանները և վարորդի վարքագծի տեսագրություններն էկրանին:

«Մեր համակարգն ի վիճակի է հայտնաբերել հարբածության մակարդակը շարժման հենց սկզբում, ինչը կարող է օգնել կանխել հարբած վարորդների հայտնվելը ճանապարհին», - ասում է Ավստրալիայի Էդիթ Քոուենի համալսարանի դոկտորանտ, նախագծի հետազոտող Էնսիե Քեշթկարանը։

Ըստ նրա՝ քանի որ ծրագրային ապահովումը հեշտությամբ տեղավորվում է խելացի մեքենաների թվային ճարտարապետության մեջ, օրինակ՝ աչքերի հետագծին հետևելու և վարորդի մոնիտորինգ անելու համակարգեր, այն կարելի է հանգիստ փոխանցել սմարթֆոնին: