Ուկրաինան առաջին անգամ ինքնաթիռով հարվածել է ՌԴ տարածքի թիրախին

Ուկրաինայի զինված ուժերի ինքնաթիռն առաջին անգամ ուղիղ հարված է հասցրել Ռուսաստանի տարածքում գտնվող թիրախին, հայտնում է բրիտանական Sky News հեռուստաալիքը՝ հղում անելով ուկրաինական բանակի անանուն աղբյուրին։

Զրուցակցի խոսքով՝ կիրակի օրը՝ հունիսի 9-ին, Բելգորոդի մարզում հրետակոծվել է հրամանատարական կետ։ Դեռևս պարզ չէ, թե ինչ տեսակի զինամթերք է օգտագործվել հարձակման ժամանակ, այդ թվում՝ արդյո՞ք դա արևմտյան զենք է։

«Չնայած վնասի գնահատումը դեռևս ուսումնասիրման փուլում է, սակայն դա հաստատվել է որպես ուղիղ հարված։ Սա Ուկրաինայի Զինված ուժերի առաջին զինամթերքն է, որը օդից հասցվել է Ռուսաստանի թիրախ»,- հավելել է աղբյուրը։
Ուկրաինան բազմիցս անօդաչու սարքերով հարվածներ է հասցրել Ռուսաստանի տարածքի խորքում, սակայն ռազմական ինքնաթիռի օգտագործումը Ռուսաստանի ներսում թիրախներին հարվածելու համար Մոսկվայի կողմից կարող է ընկալվել որպես նոր էսկալացիա, նշում է Sky News-ը։