Մակրոնն ու Շոլցը պարտվում են. ԵԽ ընտրությունների տհաճ «անակնկալը»

Արդեն հայտնի են Եվրախորհրդարանի ընտրությունների առաջին արդյունքները, որոնք բավականին ուշագրավ պատկեր են ուրվագծել: Այսպես, ավելի շատ ուլտրաաջեր և պահպանողականներ են մուտք գործում Եվրախորհրդարան, ինչը հետևում է ընտրությունների նախնական արդյունքներից։

Գերմանիայում առաջին տեղում է ընդդիմադիր պահպանողական Քրիստոնեա-դեմոկրատական ​​միությունը/Քրիստոնեա-սոցիալական միությունը։ Կանցլեր Օլաֆ Շոլցի կուսակցությունը երրորդ տեղն է զբաղեցրել «Այլընտրանք Գերմանիայի համար» ռուսամետ կուսակցությունից հետո։

Եվրախորհրդարանի ընտրություններում ծայրահեղ աջերի ջախջախիչ հաղթանակի կապակցությամբ նախագահ Էմանուել Մակրոնը հայտարարել է Ազգային ժողովը՝ Ֆրանսիայի խորհրդարանի ստորին պալատն արձակելու մասին։ 
Ըստ exit poll-ի՝ Ֆրանսիայում Եվրախորհրդարանի ընտրություններում առաջատար է ծայրահեղ աջակողմյան Ազգային Միավորում կուսակցությունը՝ հավաքելով 31,5-ից 33,3%։ Երկրորդ տեղում, զգալիորեն ետ մնալով առաջատարից, նախագահական «Վերածնունդ» կուսակցության և նրա կենտրոնամետ դաշնակիցների ցանկն է։ Այն ստանում է ձայների 15,1-15,2 տոկոսը։ Եվրախորհրդարանի ընտրություններում ծայրահեղ աջերի ջախջախիչ հաղթանակի կապակցությամբ նախագահ Էմանուել Մակրոնը հայտարարել է Ազգային ժողովը՝ Ֆրանսիայի խորհրդարանի ստորին պալատն արձակելու և արտահերթ խորհրդարանական ընտրությունների անցկացնելու մասին, որոնց առաջին փուլը տեղի կունենա հունիսի 30-ին, երկրորդը՝ հուլիսի 7-ին։

Իր ուղերձում Ֆրանսիայի նախագահն ընդգծել է, որ եվրոպական ընտրությունների արդյունքները «վատ են» եվրոպամետ ուժերի համար, իսկ «աճող ազգայնականներն ու դեմագոգները վտանգ են ներկայացնում» երկրի համար։
Լեհաստանում հաղթող է ճանաչվել երկրի վարչապետ Դոնալդ Տուսկի քաղաքացիական կոալիցիան։ Երկրորդ տեղում նախագահ Անջեյ Դուդայի «Օրենք և արդարություն» կուսակցությունն է։

Ավստրիայում հավանական հաղթողը կլինի ռուսամետ Ազատության կուսակցությունը:
Սլովակիայում առաջին տեղը զբաղեցրել է ընդդիմադիր «Առաջադիմական Սլովակիա»-ն, երկրորդ տեղում՝ վարչապետ Ռոբերտ Ֆիցոյի կուսակցությունը։

Հունաստանում առաջատարը վարչապետ Կիրիակոս Միցոտակիսի «Նոր ժողովրդավարություն» շարժումն է:
Իսպանիայում հաղթում է ընդդիմադիր Ժողովրդական կուսակցությունը։

Եվրախորհրդարանի ամենամեծ խումբը՝ ուկրաինամետ Եվրոպական ժողովրդական կուսակցությունը (ԵԺԿ), որի անդամ է Եվրահանձնաժողովի ներկայիս ղեկավար Ուրսուլա ֆոն դեր Լեյենը, առաջին տեղն է զբաղեցրել Եվրախորհրդարանի (ԵԽ) ընտրություններում։

Ընտրությունների առաջին նախնական արդյունքները հրապարակել է Բրյուսելում Եվրախորհրդարանի մամուլի ծառայությունը, փոխանցում է ՏԱՍՍ-ը: Նշվում է, որ ԵԺԿ-ն Եվրախորհրդարանում ստացել է 181 տեղ՝ մեկով պակաս, քան 2019 թվականի նախորդ ընտրություններում։ 

Երկրորդ տեղը (135 տեղ) բաժին է ընկել «Սոցիալիստներ և դեմոկրատներ»-ին: