Crocus-ում տեղի ունեցածի բոլոր պատվիրատուները, հովանավորները և կազմակերպիչները պետք է բացահայտվեն և պատժվեն. Պուտին

Crocus City Hall համալիրում տեղի ունեցած ահաբեկչության բոլոր պատվիրատուները, հովանավորները և կազմակերպիչները պետք է բացահայտվեն և պատժվեն, ասել է ՌԴ նախագահ Վլադիմիր Պուտինը միջազգային անվտանգության հանդիպման մասնակիցներին ուղղված տեսաուղերձում, գրում է ՏԱՍՍ-ը:

«Ռուսաստանի հատուկ ծառայությունները և իրավապահ մարմինները շարունակում են պարզել և ուսումնասիրել այս ստոր հանցագործության բոլոր մանրամասները, այդ թվում՝ պատվիրատուներին, հովանավորներին և կազմակերպիչներին»,- ասել է նա:

Մարտի 22-ի երեկոյան մերձմոսկովյան Կրասնոգորսկ քաղաքի Crocus City Hall համալիրում ահաբեկչություն է իրականացվել, զոհվել է 144, վիրավորվել՝ 551 մարդ։ Ռուսաստանի Դաշնության Քննչական կոմիտեն հայտարարել է, որ իրենք ապացուցել են հարձակումն իրականացնողների կապը ուկրաինացի ազգայնականների հետ։