Մեքսիկան հռչակագիր է ընդունել երկրի նախագահի նստավայրում ապրող 19 կատվի խնամքի մասին
Նրանք թափառում են պալատի այգիներով՝ հետևելով աղավնիներին և նկարահանվում էպիզոդիկ դերերում մամուլի համար հեռուստատեսային ճեպազրույցներում։ Ոմանք դռան մոտ ողջունում են զբոսաշրջիկներին, իսկ մյուսները թաքուն փորձում են անձնակազմի պաղպաղակը:
Տասնինը վայրի կատու ազատորեն զբոսնում են Մեքսիկայի Ազգային պալատում՝ երկար թափառելով փարթամ այգիներով և երկրի ամենանշանավոր շենքերի պատմական սյունազարդ սրահներով, գրում է AP-ն։
«Նրանց մուտքն ազատ է պալատի բոլոր մասերում, ուստի նրանք ներկա են լինում հանդիպումների, հարցազրույցների ժամանակ և հայտնվում տեսախցիկների օբյեկտիվներում»,- պատմել է պալատի անասնաբույժ Խեսուս Արիասը, երբ նրա մի քանի կատու-ընկերները քսվում էին նրա կոճերին:
Իսկ այժմ պալատական կատուները մեծ աղմուկ են բարձրացրել այն բանից հետո, երբ Մեքսիկայի նախագահ Անդրես Մանուել Լոպես Օբրադորի կառավարությունը նրանց «կենդանի ամրագրված ակտիվներ» է հայտարարել։ Այսպիսով, այս կատուները դարձել են Մեքսիկայում այս կոչումը ստացած առաջին կենդանիները։
«Ամրագրված ակտիվ» տերմինը սովորաբար կիրառվում է շենքերի և կահույքի նկատմամբ, սակայն կիրառելով այն կատուների նկատմամբ՝ Լոպես Օբրադորի կառավարությունը պարտավորեցրել է երկրի գանձարանին կերակրել և խնամել նրանց ամբողջ կյանքի ընթացքում, նույնիսկ այն բանից հետո, երբ հոկտեմբերին առաջնորդը հեռանա պաշտոնից։
«Կատուներն այժմ Ազգային պալատի խորհրդանիշն են: Ճիշտ այնպես, ինչպես մենք հասկանում ենք այս աշխարհը, ես չէի կարողանա հասկանալ Ազգային պալատը առանց այս կատուների ներկայության,- ասել է Ազգային պալատի և մշակութային ժառանգության ծառայության գլխավոր տնօրեն Ադրիանա Կաստիլյո Ռոմանը:- Մենք պետք է համոզվենք, որ կատուների մասին հոգ են տանում»:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են