Դատարանը պարտավորեցրել է 3,76 միլիոն դոլար վճարել 78-ամյա թոշակառուհուն

Կոլորադոյի երդվյալ ատենակալների դատարանը պարտավորեցրել է 3,76 միլիոն դոլար վճարել թոշակառուհուն, որի տունը վնասվել է ոստիկանության սխալմամբ իրականացրած գրոհի ժամանակ:

Փաստաբանների պնդմամբ, 78-ամյա Ռուբի Ջոնսոնը դեռևս տառապում է «ծանր ֆիզիկական և հուզական խանգարումով», այն բանից հետո, երբ գողացված բեռնատար և զենք փնտրող ոստիկանները ներխուժել են նրա տուն և կալանավորել նրան:

Փաստաբաններից մեկի կարծիքով, Դենվեր քաղաքը պատասխանատվություն է կրում 3,76 միլիոն դոլարի չափով փոխհատուցման վճարման և պատժիչ տուգանքների համար, չնայած նրան, որ երկու պատասխանող-սպաների նկատմամբ, որպես ֆիզիկական անձանց, դատական հայց է ներկայացվել։

Եվ թեև երդվյալ ատենակալները երկու սպաներին էլ մեղավոր են ճանաչել Ջոնսոնի իրավունքները խախտելու մեջ, սակայն Դենվերի ոստիկանության հետաքննությունը ոչ մի ապօրինություն չի հայտնաբերել, սպաները չեն ենթարկվել կարգապահական տույժի և երկուսն էլ շարունակում են աշխատել պարեկային ստորաբաժանումում, այս շաբաթ CNN-ին է ասել ոստիկանության բաժնի ներկայացուցիչը:

«Մենք մտահոգված ենք պատրաստության կամ քաղաքականության մեջ փոփոխությունների բացակայությամբ և հուսով ենք, որ փոխհատուցման գումարի չափը համոզիչ ազդանշան կծառայիայն բանի համար, որ ոստիկանական բաժանմունքը պետք է լրջորեն վերաբերվի իր բնակիչների սահմանադրական իրավունքներին»,- ասել է Ջոնսոնի փաստաբան Թիմ Մաքդոնալդը: