Ֆրանսիայում վերականգնել են Փարիզի Աստվածամոր տաճարի գագաթը

Վերականգնել են 2019 թվականի հրդեհից ավերված Փարիզի Աստվածամոր տաճարի գագաթը: Այս մասին հայտնում է Dezeen-ը։

Գագաթի բարձրությունը 96 մ է, այն ամբողջովին նման է հինգ տարի առաջ այրված գագաթին։ Կառույցը վերականգնվել էֆրանսիացի ճարտարապետ Յուջին Վիոլետ-լե-Դուկի նախնական նախագծի համաձայն: Գագաթը կառուցվել է կաղնու փայտից և ծածկված է կապարով։

Ի սկզբանե նախատեսվում էր ավարտել տաճարի վերականգնումը 2024 թվականի Օլիմպիական խաղերի համար, որոնք կայանալու են Փարիզում, սակայն դրա բացումը հետաձգվել է մինչև դեկտեմբեր։ Այն բանից հետո, երբ տաճարը կբացվի այցելուների համար, փայտամածները կմնան շենքում, քանի որ տաճարի վերանորոգման աշխատանքները կշարունակվեն մինչև 2028 թվականը:

Նոտր Դամի տաճարում հրդեհը սկսվել էր 2019 թվականի ապրիլի 15-ի երեկոյան և ամբողջությամբ մարվել միայն հաջորդ օրն առավոտյան։ Բացի գագաթից, փլուզվել էր շենքի տանիքի մի մասը, վնասվել էր տաճարի ինտերիերը, սակայն փրկվել են տաճարի ճակատային մասը և երկու զանգակատունը։ Ճարտարապետներն ամբողջ աշխարհից ներկայացրել են Աստվածամոր տաճարի վերականգնման անսովոր նախագծեր, սակայն որոշվել է շենքը վերադարձնել իր սկզբնական տեսքին։