Գիտնականները հնագույն տաճարի ավերակներ են հայտնաբերել Կոնստանտինոս կայսեր՝ հռոմեացիների խմբին ուղղված նամակի շնորհիվ

Մոտ 1600 տարի առաջ Հռոմեական կայսրության մի խումբ քաղաքացիներ նամակ ստացել Կոնստանտինոս կայսրից, որոնք խնդրել են թույլ տալ իրենց հայրենի քաղաքում տոնել կրոնական տոնը, այլ ոչ թե մեկնել հեռավոր փառատոն, հայտնում է Miami Herald-ը:

Փորձագետները հայտնաբերել են Կոնստանտինոսի պատասխանը, և հնագետները դա վերջերս օգտագործել են «կոթողային հայտնագործություն» անելու համար:

Սենթ Լուիսի համալսարանի հետազոտողների խումբը պեղել է մոնումենտալ կառույցի երեք պատեր, որոնք, ենթադրաբար, պատկանում են հռոմեական տաճարին, որը թվագրվում է Կոնստանտինոսի օրոք, հայտնել է Սենթ Լուիսի համալսարանի պատմության պրոֆեսոր Դուգլաս Բոինը:

Ավերակները հայտնաբերվել են Իտալիայի Ումբրիա շրջանի Սպելլո քաղաքում, «հայտնի միջնադարյան բլրի գագաթին գտնվող քաղաք», - հայտնել է համալսարանը: Դրանք թվագրվում են Կոնստանտինոսի կողմից Հռոմեական կայսրությունը ղեկավարելու օրոք, որը եղել է մ.թ. 324-ից 337 թվականներին:

Կոնստանտինոսը, ինչպես գիտենք, հռոմեական առաջին կայսրն էր, որ ընդունեց քրիստոնեությունը: Բայց նրա խնդրանքը Սպելլոյի բնակիչներին արտացոլում է «կայսերական պաշտամունքի» համոզմունքները, ինչը ցույց է տալիս, որ հեթանոսությունից քրիստոնեության անցումը արագ չի եղել, ասում են փորձագետները:

«Կայսերական պաշտամունքը» ներառում է կայսրերի և նրանց ընտանիքների պաշտամունքը որպես աստվածային, որը սկսվել է Հուլիոս Կեսարի մահից մ.թ.ա. 44 թվականին: