Ճապոնիայում ուժգին երկրաշարժից միայն 64 մարդ է զոհվել շնորհիվ որակյալ շենքերի

Առնվազն 64 մարդ է զոհվել Ամանորի օրը Նոտո թերակղզում և կենտրոնական Ճապոնիայի հարակից շրջաններում հզոր երկրաշարժի հետևանքով, հայտնում է Kyodo-ն։

Չորեքշաբթի օրը փլատակներն ու ավերված ճանապարհները շարունակում էին խոչընդոտել որոնողափրկարարական աշխատանքներին:

Երկու օր է անցել այն բանից հետո, երբ 7,6 մագնիտուդ ուժգնությամբ երկրաշարժը լայնածավալ կառուցվածքային վնասներ և հրդեհներ է պատճառել Ճապոնական ծովի ափին գտնվող Իսիկավա պրեֆեկտուրայի Վաձիմա քաղաքում, սակայն աղետի ամբողջական չափն անհայտ է մնում։

Հինգշաբթի տարերքից տուժած պրեֆեկտուրայի շրջաններում, որտեղ որոշ գյուղեր շարունակում են կտրված մնալ արտաքին աշխարհից, պարբերական անձրևներ են սպասվում, և Ճապոնիայի օդերևութաբանական գործակալությունը նախազգուշացրել է սողանքների հավանականության մասին:

Ընդգծենք, որ եթե Ճապոնիայում շինությունների որակը եւ ամրությունը գերբարձր չլիներ, ապա զոհերի թիվը հաշվելու էինք տասնյակ հազարներով, քանի որ երկրաշարժը շատ ուժեղ է եղել:

Այս թեմայով Ճապոնիայում հեղեղումների զոհերի թիվն անցել Է 140-ից Առնվազն 3 զոհ, տասնյակ վիրավորներ Ճապոնիան ՌԴ-ին ափսոսանք է հայտնել՝ կապված Կուրիլներում զորավարժությունների հետ Ճապոնիան իր դեսպանատունը Երուսաղեմ չի տեղափոխի Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը