Ո՞ր խնդիրներն են ավելի հաճախ հանգեցնում տվյալների արտահոսքի

Տվյալների արտահոսքի հիմնական պատճառը ոչ թե հաքերային հարձակումներն են կամ վիրուսները, այլ ՏՏ համակարգերի աշխատանքի ձախողումները։ Նման տվյալներ, համենայնդեպս, ստացվել են ռուսական ընկերություններում hh.ru առցանց հավաքագրման ծառայության և «Киберпротект» ընկերության կողմից անցկացված հետազոտության շրջանակում։

Հետազոտության շրջանակում հարցված յուրաքանչյուր չորրորդ մասնակիցը (25%) խոստովանել է, որ աշխատանքի ժամանակ ունեցել է տվյալների կորուստ:

Ըստ հետազոտության արդյունքների՝ տվյալների արտահոսքի 45%-ի դեպքում պատճառը եղել են ՏՏ համակարգի խափանումները, դեպքերի 33%-ի դեպքում՝ սարքերի կամ ծրագրային ապահովման խափանումները, իսկ 25%-ի դեպքում՝ աշխատակիցների կողմից կարևոր ֆայլերը պատահական ջնջելը: Հաքերային հարձակումներին, մասնավորապես նրանց կողմից ստեղծված վնասակար ծրագրերին, բաժին են ընկել դեպքերի միայն 18%-ը։

Հետազոտության արդյունքում պարզվել է նաև, որ ընկերությունների մեծ մասը (58%) տեղեկատվական անվտանգության թրեյնինգներ չի անցկացնում, իսկ մնացած դեպքերում դրանք իրականացվում է կամ վեց ամիսը մեկ կամ եռամսյակը մեկ։

Տվյալների արտահոսքից պաշտպանելու լավագույն երեք մեթոդները եղել են երկգործոն նույնականացումը (67%), անձնական սարքերի և օգտահաշիվների հասանելիության սահմանափակումը (63%) և անձնական տվյալների զգույշ օգտագործումը սոցիալական ցանցերում (62%):

Հարցվածների մոտ մեկ երրորդը (34%) արտահոսքի դեպքում կրկնօրինակում է կորպորատիվ տվյալները: Այնուամենայնիվ, նրանց մոտ կեսը (48%) նախընտրում է տեղեկությունները ներբեռնել արտաքին պահեստավորման սարք, ինչպիսին է կոշտ սկավառակը կամ հատուկ սերվերը, մինչդեռ մնացածը նախընտրում են ձեռքով պատճենել: