Վաշինգտոնում վանդալները խզբզել են Լինքոլնի հուշահամալիրի աստիճանները

Անհայտ անձինք կարմիր ներկով խզբզել են Վաշինգտոնում Լինքոլնի հուշահամալիրի աստիճանները՝ Գազայի օգտին մակագրություններով, տեղեկացրել են ամերիկյան ԶԼՄ-ները։

The Hill-ը գրել է, որ վանդալները տարբեր մակագրություններ են արել եւ կարմիր ներկ լցրել։ Մակագրություններից մեկն է՝ «Ազատ Գազա»։ ABC News-ը, հղում կատարելով ոստիկանությանը, նշել է, որ աշխատողների բրիգադներն արդեն մաքրում են ներկը։ Իրավապահները հետաքննում են միջադեպը։

ԱՄՆ-ում պաղեստինա-իսրայելական հակամարտության նոր թեժացումից հետո բողոքի ակցիաներ են տեղի ունենում հիմնականում ի աջակցություն Պաղեստինի եւ հրադադարի։