Արգենտինայի նորընտիր նախագահը մտադիր է հուդայականություն ընդունել

Արգենտինայի նորընտիր նախագահ Խավիեր Միլեյի վարչակազմը հավականում է դառնալ Արգենտինայի պատմության ամենաիսրայելամետ կառավարություններից մեկը, գրում է Bloomberg հանդեսը:

Նորընտիր նախագահը ընդունում է հուդայականություն. այս մասին Bloomberg-ի փոխանցմամբ, ասել է նրա խոսնակներից մեկը:

Պարբերականը գրում է, որ Միլեյը դեպի ԱՄՆ իր առաջին օտարերկրյա այցի ընթացքում գնացել է Նյու Յորքում հայտնի հրեա ռաբբի Մենախեմ Մենդել Շնեերսոնի գերեզմանը: Նա եղել է ամբողջովին սևազգեստ, կրել է ավանդական կիպա, շրջապատված է եղել ռաբբիներով: Արգենտինայի նախագահը հարգանքի տուրք է մատուցել Շնեերսոնի հիշատակին:

Այս խորհրդանշական ժեստը ցույց է տալիս, թե որքան հանձնառու է Միլեյն Իսրայելի հետ Արգենտինայի մշակութային և քաղաքական կապերի խորացմանը, մինչդեռ Լատինական Ամերիկայի երկրների մեծ մասը, որը կաթոլիկների հենակետն է, մնում է չեզոք կամ քննադատական Իսրայելի հանդեպ:

Նշվում է, որ շաբաթ օրը Միլեյը Բուենոս Այրեսում մասնակցել է հրեական արարողությանը, որտեղ օրհնություն է ստացել մեկ այլ ռաբբիից:

Նոր նախագահի ակտիվ իսրայելամետ դիրքորոշումն Արգենտինային առանձնացնում է որպես Իսրայելի գլխավոր դաշնակից Լատինական Ամերիկայում: Միլեյը բազմիցս ասել է, որ մտադիր է այցելել Իսրայել և Արգենտինայի դեսպանատունը Թել Ավիվից տեղափոխել Երուսաղեմ:

Argentina’s president-elect, Javier Milei, centre, leaves after praying next to rabbis at the resting place of Rabbi Menachem Mendel Schneerson in New York.Incoming Argentina president Javier Milei visits IsraelArgentina's new president Javier Milei posing with Chabad Rabbi Mendy Kotlarsky.Argentina's new president Javier Milei greeting Rabbi Moshe Kotlarsky.Javier Milei posing with Jews