Ճամբարափոխության միջոցով Ռուսաստան-Արևմուտք հակամարտությունը տեղափոխում ենք մեր տարածք. Արմեն Ռուստամյան

Արդեն երրորդ դեպքն է, որ չենք մասնակցում ՀԱՊԿ նիստին: Ես իհարկե կհասկանայի եթե Հայաստանի քաղաքականությունը այն է, որ փոխլրացնենք մեր անվտանգության ծավալը, ապահովելու համար, եթե մեկի հետ չի ստացվում, ապա մյուսի հետ փոխլրացնես:

Այս մասին այսօր լրագրողների հետ զրույցում ասաց «Հայաստան» խմբակցության պատգամավոր Արմեն Ռուստամյանը:

«Բայց այստեղ ավելի շատ ոչ թե խոսքը գնում է փոխլրացման մասին, այլ ճամբարափոխության մասին և սա շատ ծանր հետևանքներ կարող է ունենալ Հայաստանի համար: Եվ մենք Ռուսաստան-Արևմուտք հակամարտությունը տեղափոխում ենք մեր տարածք և սա կործանարար հետևանքներ է ունենալու Հայաստանի համար:

Մենք ուղղակի իրավունք չունենք այդ հակամարտության զոհը դառնալ: Լավ կլիներ՝ մեր թշնամիներից սովորեինք, որ այդ հակամարտությունը ի շահ իրենց են օգտագործում: Մենք այդ հակամարտությունը բերում ենք մեր դեմ»,- ասել է նա: