Միացյալ Նահանգները չեն շտապում Արցախի հետ կատարվածն «էթնիկ զտում» բնորոշել, ԱՄՆ-ին ապացույցներ են պետք
Միացյալ Նահանգների պետքարտուղարության խոսնակ Մեթյու Միլլերը, ինչպես հաղորդում է «Ամերիկայի ձայնը», ողջունել է Լեռնային Ղարաբաղ ՄԱԿ-ի առաքելության գործուղումը, միաժամանակ նշել է, թե կապի մեջ են տեղում գտնվող մարդկանց հետ՝ իրավիճակը հասկանալու համար: Ինչ վերաբերում է Արցախում ադրբեջանական իշխանությունների կողմից բնիկ հայության դեմ իրականացված էթնիկ զտմանն ու ցեղասպանությանը, ԱՄՆ պետքարտուղարության մամուլիխոսնակը մասնավորապես ասել է. «Չենք վարանի ձեռնարկել համապատասխան միջոցներ՝ արձագանքելու համար վայրագություններին վերաբերող մեղադրանքներին և պատասխանատվության ենթարկելու նրանց, ովքեր կանգնած են դրանց հետևում, երբ ապացույցներ նկատենք, որ նման բան է տեղի ունեցել»: Մեթյու Միլլերը նաև նշել է, որ կատարվածը ցեղասպանության կամ էթնիկ զտումներ գնահատելու վերաբերյալ որոշման ընդունումը պետք է հիմնված լինի ապացույցներ պարունակող գործընթացի վրա, հետևաբար՝ ինքը ԱՄՆ պետքարտուղարության ամբիոնից չի կարող վերջնականապես խոսել այդ մասին:
ԱՄՆ պետքարտուղարության խոսնակը կրկնել է անկախ միջազգային դիտորդական առաքելություն ձևավորելու մասին նախկինում արած կոչը: Նման առաքելությունը, ըստ ԱՄՆ ներկայացուցչի, կապահովի թափանցիկություն և Լեռնային Ղարաբաղի բնակչությանը վստահություն կներշնչի, որ էթնիկ հայերի իրավունքներն ու անվտանգությունը կպաշտպանվեն: «Մասնավորապես՝ նրանց, ովքեր ցանկանում են վերադառնալ: Ադրբեջանը նման հավաստիացումներ է արել։ Կարծում ենք, այնտեղ պետք է լինի միջազգային դիտորդական առաքելություն, որը պետք է դիտարկի և երաշխավորի»,- ասել է ԱՄՆ պետդեպի խոսնակը:
Մեթյու Միլլերը նաև նշել է, թե առկա է խաղաղության հասնելու հնարավորություն.
«Լեռնային Ղարաբաղի կարգավիճակից դուրս կան այլ հարցեր, որոնք վիճելի են Հայաստանի և Ադրբեջանի համար, և մենք կխրախուսեինք նրանց վերադառնալ խաղաղ բանակցությունների՝ քննարկելու և, ի վերջո, լուծում տալու այդ հարցերին»,- ասել է նա: Ինչ վերաբերում է ԱՄՆ պետդեպի ներկայացուցչի ակնկալած ապացույցներին, ապա կարելի է չկասկածել, որ նրա տրամադրության տակ կհայտնվեն այդպիսիք, երբ նման «հավաստիացումներին» վստահելով, արցախցիները վերադառնան սեփական հայրենիք ու ադրբեջանական հրոսակի կողմից ենթարկվեն գազանաբարո հոշոտման: Այ, այդ ժամանակ «ապացույցներ» կլինեն: Իսկ հիմա, պարզվում է, «ապացույցներ չկան», համենայն դեպս՝ ԱՄՆ-ի համար:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ