2,000 մարդ՝ ԱՄՆ դեսպանատան աշխատակիցներ, զբաղված են Հայաստանում տեղեկատվական դաշտի մշակմամբ. Զախարովա
ՌԴ ԱԳՆ խոսնակ Մարիա Զախարովան խորհուրդ է տվել ուշադրություն չդարձնել նրանց, ովքեր հիմա ծայրահեղական հայտարարություններ են անում, կասկածի տակ են դնում հայ-ռուսական հարաբերությունները: Ըստ ՌԴ ԱԳՆ խոսնակի՝ այս ամենն անցնելու է, ինչպես որ ցույց են տվել մյուս պետությունների օրինակները:
«Մենք գիտենք՝ ովքեր են հրահրում նման տրամադրություններ: Հավատացեք՝ Հայաստանի ժողովուրդն անցել է բազմաթիվ փորձությունների և կյանքի ողբերգությունների միջով, որոնցով, հավանաբար, չի անցել որևէ այլ ժողովուրդ: Նա գիտի, թե ով է թշնամի, ով բարեկամ, ով՝ հենց այնպես: Հայաստանի ժողովուրդը գիտի, որ տարբեր տեսակի և ձևաչափերի օգնությունը միշտ եղել է Ռուսաստանից... Հայաստանի ժողովուրդը գիտի և հիշում է, չնայած այն բանին, որ վիթխարի ռեսուրսներ են թափվել լրատվական դաշտի տեղեկատվական մշակման համար: Երկու հազար մարդ՝ ԱՄՆ դեսպանատան աշխատակիցներ, հենց դրանով են զբաղված՝ Հայաստանում տեղեկատվական դաշտի մշակմամբ: Մենք, բոլորը դա տեսնում են և սա էլ կանցնի»,- հավելել է նա:
Զախարովան ցանկություն է հայտնել, որ դա անցնի նվազագույն հետևանքներով։ Ըստ նրա՝ բազմաթիվ օրինակներ կան առ այն, որ որտեղով անցնում է ԱՄՆ-ն, նկատվում է ծանրագույն ճգնաժամ։
«Նույնը հիմա է կատարվում տարածաշրջանում։ Վերջին մեկ տարվա ընթացքում հենց արևմտյան աշխարհն էր իրեն հռչակել որպես նոր միջնորդ և երաշխավոր։ Այնուամենայնիվ, Ռուսաստանը շարունակում է կատարել իր առաքելությունը, նրա խաղաղապահները գտնվում են տարածաշրջանում, սա նրա մտադրությունների և իրական վերաբերմունքի լավագույն հաստատումն է»,- ասել է Զախարովան։
Նա նշել է, որ հայ-ռուսական շփումները շարունակվում են տարբեր մակարդակներում:
«Մենք ակնկալում ենք, որ մեր ազդակները լսելի կլինեն և կընդունվեն ըստ հավուր պատշաճի. շատ առումներով սա մեր պատասխան արձագանքն էր»,- ասել է Զախարովան՝ մեկնաբանելով ՌԴ ԱԳՆ ծավալուն հայտարարությունը՝ ուղղված ՀՀ վարչապետ Նիկոլ Փաշինյանի ուղերձին և դրան պաշտոնական Երևանի կողմից արձագանք լինել-չլինելուն:
«Ռուսաստանը միշտ խնամքով է վերաբերվել Հայաստանի հետ դաշնակցային հարաբերություններին, երբևէ չի եղել դրանց սրման նախաձեռնողը, ամենածանր իրավիճակներում առավելագույն ծավալով ամեն ինչ արել է հայ ժողովրդի բարօրության համար, և այդպես էլ կլինի։ Ռուսաստանի Դաշնությունն ակնկալում է, որ բոլոր երկկողմ համաձայնագրերը կիրականացվեն երկու երկրների ժողովուրդների շահերից ելնելով», - ասել է նա։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գալյանը դեմ չէ, որ կառավարության նիստը սկսվի աղոթքով
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
Տղամարդկանց շրջանում ամենատարածված պլաստիկ միջամտությունը կրծքի վիրահատությունն է
Փաշինյանը նոր խորհրդական ունի
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Ռուսաստանը ցուցադրում է Կենտրոնական ռազմական շրջանի պատմության մեջ առաջխաղացման ամենաբարձր տեմպը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ