Բողոքի ակցիայի մասնակիցները փակել են Հանրապետության հրապարակի հարակից փողոցները

Արցախի հարցով բողոքի ակցիա իրականացնող քաղաքացիները փակել են Հանրապետության հրապարակի հարակից փողոցները։

Հիշեցնենք, որ Արցախում ռազմական գործողություններով պայմանավորված արցախցի ուսանողներն ու մի խումբ քաղաքացիներ բողոքի ակցիա են իրականացնում ՀՀ կառավարության շենքի դիմաց։

Նրանք մտահոգված են Արցախում ստեղծված իրավիճակով, շատերը չեն կարողանում կապ հաստատել Արցախում գտնվող ընտանիքի անդամների հետ։
Հավաքվածները հայաստանյան իշխանություններին պահանջում են կանխել Արցախում սկսված պատերազմը։