Պետք է հետևենք, որ Ադրբեջանին տրված ռազմական որևէ օգնություն չօգտագործվի Հայաստանի դեմ․ սենատոր
Մենք ուզում ենք թե՛ Ադրբեջանի, թե՛ Հայաստանի հետ ունենալ ամուր ռազմավարական հարաբերություններ. Հայաստանի և Ռուսաստանի միջև հարաբերությունների անկման ֆոնին մենք հնարավորություն ունենք հասնելու դրան։ Այս մասին այսօր՝ սեպտեմբերի 14-ին, Սենատի արտաքին հարաբերությունների հանձնաժողովում «Լեռնային Ղարաբաղում ճգնաժամի գնահատում» խորագրով լսումների ժամանակ նշեց սենատոր Բեն Քարդինը:
«Սակայն դա կախված է նրանից՝ արդյոք մենք կկարողանանք վիճարկվող տարածքում խնդիրների լուծման ընթացքում հավատարիմ մեր արժեքներին։
Համաձայն եմ սենատոր Մենենդեսի հետ՝ մարդասիրական ճգնաժամը սարսափելի է։ ԱՄՆ-ը պետք է իր բաժին գործողությունը ձեռնարկի, որպեսզի միջանցքը հնարավորինս շուտ բացվի։ Սակայն մենք պետք է նախևառաջ հասկանանք՝ մենք ինչ ենք ուզում։ Ադրբեջանը մեզ համար կարևոր երկիր է, սակայն մենք պետք է առաջնորդվենք մեր արժեքներով, ինչպես նախագահ Բայդենն է ասում»,-ասաց նա՝ հիշեցնելով Ադրբեջանում մարդու իրավունքների աղաղակող խախտումների, վերջին օրերին բլոգերի ձերբակալության մասին:
«ԱՄՆ-ը չի կարող անտեսել ազատ խոսքի պատճառով ձերբակալությունը, հատկապես մի երկրում, որի հետ ցանկանում ենք ռազմավարական հարաբերություններ ունենալ, այդ թվում՝ ֆինանսական հարաբերություններ։ Մենք պետք է նման դեպքերում պատժամիջոցներ դիտարկենք»,-ընդգծեց սենատորը:
ԱՄՆ Պետքարտուղարության Եվրոպայի ու Եվրասիայի հարցերով բյուրոյի փոխտեղակալ Յուրի Քիմն արձագանքեց. «Այո համաձայն եմ, մենք համաձայնություն եւ հրամայական ունենք ռազմավարական հարաբերություններ զարգացնել Հայաստանի, ինչպես նաեւ Ադրբեջանի հետ: Մենք Ադրբեջանի դեպքում երկու բանի պետք է հետեւենք, որ Ադրբեջանին տրված ռազմական որեւէ օգնություն չօգտագործվի Հայաստանի դեմ, երկրորդ, ԱՄՆ-ի շահերից բխող գործողություն պետք է լինի»:
Սենատոր Քարդինն ընդգծեց, որ խորքից ծանոթ է ԼՂ հակամարտությանը, որն ավելի հին է, քան ինքը կդառնար սենատոր. «Հակամարտությանը ծանոթ եմ խորքից, Մինսկի խմբին եմ ծանոթ: Չափից ավելի երկար է տեւում այս կոնֆլիկտը: Սովորաբար ԱՄՆ-ն շատ հստակ է գործում նման դեպքում: Մենք տեսել ենք, թե ինչպես է ԱՄՆ-ն կարողանում ձգձգվող հակամարտություներում քայլեր ձեռնարկում դրան վերջ դնելու համար: ԱՄՆ-ի ղեկավարությունը սուր կարիք կա այս հումանիտար ճգնաժամը լուծելու համար»:
Կիմը համաձայնեց՝ նկատելով. «Դրա համար պետքարտուղարն անձամբ է ներգրավված բանակցություններում»:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են