Այլևս Արցախից միանգամայն այլ ուղերձներ են հղվելու համայն հայությանն ու արտաքին աշխարհին․ Հակոբ Հակոբյան
ԱՀ ԱԺ պատգամավոր Հակոբ Հակոբյանը գրում է․
«Այս օրերին, Արցախում տեղի ունեցող իրական քաղաքական գործընթացները և փոփոխությունները հոգեխանգարմունքի մեջ են գցել մի կողմից նիկոլականներին՝ սկսած քոչարյանանդոններից, վերջացրած բաբաջանյանարմաններով, մյուս կողմից էլ Արցախում գործող իրենց արբանյակներին։ Հայաստանի իշխանությունների կողմից ուղղորդվող այս տանդեմը շատ լավ հասկանում է, որ Արցախում պայքարող ուժերի հաղթանակը պարտություն է դառնալու անձամբ իրենց համար։
Փաստացի պարզ է դառնում, թե ով է դեմ Արցախի սուբյեկտայնությանը, ով է փորձում Ստեփանակերտը պահել հանձնվողի դերում, և բան ու գործ թողած քննադատում են, որ Արցախում քաղաքական պրոցեսներ են գեներացվում, որ Արցախը փորձում է մեջքը ուղղել և այլն: Ուստի ոչինչ չի մնում սրանց քան գործել նույն ձեռագրով՝ խաղալ զանգվածային հույզերի հետ և դիսկուրսը պահել «ներկա-նախկին թեզի մեջ»՝ թույլ չտալով որևէ բովանդակային հարցի քննարկում և լուծում:
Սակայն փաստ է, որ այլևս Արցախից միանգամայն այլ ուղերձներ են հղվելու համայն հայությանն ու արտաքին աշխարհին։ Այս հանգամանքը վստահաբար բերելու է Արցախի սուբյեկտայնության և ժողովրդի պայքարի կամքի ուժեղացմանը, ինչը կարմիր քարտ է ինտեգրման ջատագովների համար»:
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից