Ադրբեջանը զգում է իր լիակատար անպատժելիությունը. Ալեքսեյ Անպիլոգով

Ռուս քաղաքագետ Ալեքսեյ Անպիլոգովը Alpha News-ի հետ զրույցում մեկնաբանել է հայ-ադրբեջանական սահմանին այսօր տեղի ունեցած սրացումը։

«Ինչու՞ է Ադրբեջանը հիմա փորձում հեռանալ ղարաբաղյան վերջին պատերազմի ավարտից հետո այդ հանքավայրի կարգավիճակի շուրջ սկսված բանակցություններից և փորձում է այդ ամենը լուծել ռազմական ճանապարհով։ Պետք է հասկանալ, որ Սոթքի հանքավայրը բավականին հետաքրքիր դիրքում է, այսինքն՝ հանքավայրի մոտ 30%-ը գտնվում է Հայաստանի, ևս 70%-ը՝ Ադրբեջանի Քելբաջարի (Քարվաճառի, — խմբ.) շրջանի տարածքում։ Ադրբեջանական ԶՈւ-ն հասել է Հայաստանի միջազգայնորեն ճանաչված սահմաններին, բայց փաստացի չի սկսել սահմանազատումը սովետական քարտեզների համաձայն, և հանքավայրի նման բաժանում է եղել։

Ադրբեջանը շահագրգռված չէ այս հանքավայրի քաղաքակիրթ բաժանում կատարելով ու իր ավելի զգալի մասը շահագործելով։ Ըստ ամենայնի, Ադրբեջանի ղեկավարությունը Հայաստանի` միջազգայնորեն ճանաչված սահմանների վերանայման կուրս է վերցրել։ Ադրբեջանի համար նման հանքավայրի տիրապետումը նույնպես մեծ հետաքրքրություն է ներկայացնում»,- ասել է քաղաքագետը։

Ըստ Ամպիլոգովի, կոնֆլիկտային իրավիճակն ունի բոլոր հնարավորությունները տարածվելու Արցախում և Հայաստանի հետ սահմանի այլ հատվածներում։

«Իմ տեսանկյունից, Ադրբեջանն այժմ զգում է իր լիակատար անպատժելիությունը երկկողմ հարաբերությունների հարցում, և Բաքուն չունի արգելակներ, որոնք կարող են Սոթքի հանքավայրի շուրջ իրավիճակը բերել ինչ-որ քաղաքակիրթ լուծման։

Մենք տեսնում ենք, որ Բաքուն հակամարտությունը ռազմական ճանապարհով լուծելու ուղղություն է վերցրել, ինչը վկայում է այն մասին, որ մենք, ամենայն հավանականությամբ, նման պատկեր կտեսնենք Արցախի և ադրբեջանա-հայկական սահմանի մյուս վիճելի հատվածների համար, քանի որ Բաքուն այժմ, պարզապես, միջազգային արտաքին արգելքներ չունի», — ասել է փորձագետը։