Արցախցին պայքարում է նաեւ Հայաստանի համար, մենք վաղը պետք է ցույց տանք, որ իր կողքին ենք. Քրիստինե Վարդանյան
ՀՅԴ-ի նախաձեռնությամբ, սեպտեմբերի 2-ին, ժամը՝ 18:00-ին, Ազատության հրապարակում հանրահավաք տեղի կունենա՝ Արցախի Հանրապետության հռչակման օրվա առթիվ:
«Հանրահավաքի նպատակն է, որ համաժողովրդական մակարդակով աջակցություն ցույց տանք Արցախին: Ասենք, որ իր կողքին ենք, մենակ չենք թողնում, համաձայն չենք այն քաղաքականության հետ, որն այսօր վարում են Հայաստանի իշխանությունները»,- Alpha News-ի հետ զրույցում ասաց ԱԺ «Հայաստան» խմբակցության անդամ, ՀՅԴ Հայաստանի Գերագույն մարմնի հանրային կապերի գրասենյակի պատասխանատու Քրիստինե Վարդանյանը:
Նա կոչ արեց քաղաքացիներին` վաղը մասնակցել հանրահավաքին:
«Այն պայքարը, որն այսօր տանում է արցախցին, նաեւ մեր պայքարն է: Չեմ կարծում, որ վաղը՝ Արցախի անկախության հռչակման օրը, մենք ավելի կարեւոր գործ ունենք, քան շրջափակված Արցախին մեր զորակցությունը հայտնելն է, որովհետեւ արցախցին պայքարում է նաեւ մեզ համար: Մենք պետք է հստակ ուղերձ փոխանցենք, որ առանց Արցախի չենք պատկերացնում Հայաստանի ապագան»,- հավելեց Քրիստինե Վարդանյանը:
Նշենք, որ այս օրերին, ի աջակցություն շրջափակված Արցախի, աշխարհի 16 երկրներում անցկացվում եւ անցկացվելու են «SOS Artsakh» խորագրով հանրահավաքներ եւ բողոքի գործողություններ։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից