Բավարիայի էկոնոմիկայի նախարարին մեղադրում են դպրոցական տարիներին Հիտլերին համակրելու մեջ

Բավարիայում չի հանդարտվում էկոնոմիկայի 52-ամյա նախարար Հուբերտ Այվանգերի շուրջ ստեղծված աղմուկը, հայտնում է BILD-ը։

Սկզբում Süddeutsche Zeitung-ը հաղորդեց, որ 1980-ականներին, երբ դպրոցական էր, նա գրել և տարածել է Օսվենցիմի մասին հակասեմական թերթիկ։ Այժմ նախկին դասընկերները պատմել են, որ Այվանգերը դպրոցում ցուցադրել է նացիստական ​​ողջույնը, պայուսակի մեջ կրել Mein Kampf-ը, ընդօրինակել Ադոլֆ Հիտլերի ելույթը և կատակել հրեաների մասին։

BILD-ին տված հարցազրույցում նախարարը հերքել է մեղադրանքները՝ ասելով, որ ինքը «ոչ հակասեմական է, ոչ էլ ծայրահեղական»: Գերմանիայի կանցլեր Օլաֆ Շոլցը և Բավարիայի վարչապետ Մարկուս Զեդերը պահանջել են Այվանգերից ավելի մանրամասն բացատրություններ տալ։ Ինչպես գրում է BILD-ի տեսաբան Ֆիլիպ Պյատովը, «քաղաքական գործչի համար կարևոր չեն երիտասարդության տարիներին թույլ տված սխալները, կարևորն այն է, թե ինչպես է նա հաղթահարում դրանք՝ չափահաս լինելով»: Այվանգերն ընդունում է սխալները, ներողություն չի խնդրում։ Նրա արդարացումներից պարզ է դառնում՝ նա արժանի չէ իր պաշտոնին»,- կարծում է լրագրողը։