Զոհվել են բոլորը. ոչ ոք չի փրկվել

Փրկարարները Մոսկվայի Նեգլինկա գետի ստորգետնյա կոլեկտորներով ապօրինի շրջայցի բոլոր ութ մասնակիցներին մահացած են հայտնաբերել։ Որոնողական աշխատանքներն ավարտվել են, ТАСС-ին հայտնել են արտակարգ ծառայություններում։

«Այժմ էքսկուրսիայի բոլոր ութ մասնակիցները հայտնաբերվել են։ Նրանք մահացել են։ Մահացածների որոնողական գործողությունն ավարտվել է»,- ասել է աղբյուրը։ Նա ասաց, որ մահացածների թվում կան երկու անչափահասներ։

ТАСС-ի փոխանցմամբ՝ քննիչները սկսել են բոլոր մահացածների մարմինների ինքնությունը պարզելու ընթացակարգը։

Օգոստոսի 20-ին Նեգլինկա ստորգետնյա գետի կոլեկտորների երկայնքով ութ մարդ է ուղևորվել: Ըստ կանխատեսումների՝ այդ օրը Մոսկվայում սպասվում էր հորդառատ անձրեւ, եւ երբ այն սկսվեց, կոլեկտորներում ջրի մակարդակը կտրուկ բարձրացել է, մարդիկ փրկվելու հնարավորություն չունեին։ Արտակարգ դրության փաստով հարուցվել է քրեական գործ Ռուսաստանի Դաշնության Քրեական օրենսգրքի 238-րդ հոդվածի 3-րդ մասով(ծառայությունների մատուցում, որոնք չեն համապատասխանում անվտանգության պահանջներին, որոնք հանգեցրել են երկու կամ ավելի անձանց անզգուշության մահվան): Սույն հոդվածի սանկցիան մեղավորներին նախատեսում է մինչև 10 տարի ազատազրկում։