Սերգեյ Սմբատյանը պայքարում է միջակության դեմ. «Երաժշտություն հանուն ապագայի» հիմնադրամ
Ի պաշտպանություն Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանի՝ հայտարարությամբ է հանդես եկել «Երաժշտություն հանուն ապագայի» հիմնադրամը, որի հիմնադիրն է Մաեստրո Սմբատյանը։ Հայտարարության տեքստը ներկայացնում ենք ստորեւ.
«Հասարակությունները հարուստ են իրենց նվիրյալներով։ Նրանցից յուրաքանչյուրն իր ոլորտում կատարում է առաջամարտիկի դեր։ Իր ուսերին կրելով մեծ ծանրություն՝ առաջ է տանում մի ամբողջ բնագավառ, կառուցում, կրթում, ծրագրեր ու ռազմավարություններ մշակում, բարձր արժեքներ տարածում, տեսլական գեներացնում ու շուրջբոլորը վարակում լավատեսությամբ։ Հենց այդպիսին է Սերգեյ Սմբատյանը։
Մաեստրո Սմբատյանը ոչ միայն դասական արվեստի կրողն ու քարոզողն է, այլեւ այն եզակի անհատներից, որոնք այսօր կառուցում են Հայաստանի երաժշտական ապագան։ Նա գիտակցում է, որ ապագայի մասին խոսելը չէ, որ վաղը մեզ կարող է բերել հաջողություն: «Երեխաները մեր ապագան են». տարածված այս խոսքը Սերգեյ Սմբատյանը վերափոխել է. «Երեխաները մեր ներկան են, եւ մենք պետք է գործենք այսօր մեր երեխաների ապագան կերտելու համար»:
Սերգեյ Սմբատյանը նաեւ այն բացառիկ արվեստագետներից է, որ ոչ թե խոսում է ծրագրերի մասին, այլ կարողանում է ծրագրերը, տեսլականն ու նախագծերը կյանքի կոչել, իրականություն դարձնել։
Խոսքն իրականություն դարձավ 4 տարի առաջ` Մաեստրո Սմբատյանի ջանքերով «Երաժշտություն հանուն ապագայի» մշակութային հիմնադրամի ստեղծմամբ, որի Հոգաբարձուների խորհրդի նախագահն է նա։ Իսկ նպատակը տաղանդավոր պատանի երաժիշտներին բացահայտել, կրթել ու զարգացնելն է։ Չորս տարիների ընթացքում Մաեստրոյի շնորհիվ պատանի տաղանդավոր երաժիշտների շուրջ համախմբվել են գաղափարակիցներ, որոնք կիսում են նրա հետ մեկ կարեւոր գաղափար. ապագային ուղղված հայացքը պարզ բարեգործությունը վերափոխում է ներդրման։ Եվ հենց այդ գաղափարների շնորհիվ այսօր կրթվում է սերունդ, որն իրավամբ կերտելու է մեր ապագան, կրելու, տարածելու եւ աշխարհին է ներկայացնելու հայկական մշակութային արժեքները։ Այս չորս տարիների ընթացքում հիմնադրամի կրթաթոշակառուները հասել են աներեւակայելի հաջողությունների` 100-ից ավելի միջազգային մրցույթներում առաջնային մրցանակներ, ավելի քան 300 վարպետության դասեր աշխարհի ամենահեղինակավոր արտիստների հետ, համերգային գործունեություն Հայաստանում եւ նրա սահմաններից դուրս, այցելություններ Հայաստանի թանգարաններ, լավագույններն արդեն հիմա ուսանում են Լոնդոնում, Օսլոյում, Վիեննայում` հետագայում հայրենիք վերադառնալու նպատակով, եւ այս ցանկը երկար կարելի է շարունակել:
Սա մշտական աշխատանք է, բայց այս ամենն այսօր վտանգված է եւ փլուզման եզրին է: Այսօր մեր Մաեստրոն զրկված է իր մեծ գաղափարները կյանքի կոչելու հնարավորությունից։
Մաեստրոյի կյանքը պայքարի վառ օրինակ է, պայքար միջակության դեմ, պայքար հանուն կրթված քաղաքացի դաստիարակելու, հանուն հայկական դասական արվեստի զարգացման։ Եվ Մաեստրո Սմբատյանն իր այդ պայքարը պետք է շարունակի, շարունակի Հայաստանի ու աշխարհի բեմերում, երեխաների համար ստեղծած կրթական հարթակներում։
Ու մենք օգնելու ենք նրան այդ պայքարում։ Մենք մշտապես նրա կողքին ենք։ Մենք սպասում ենք մեր Մաեստրոյին»:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)