Մարդկային ու մարդասիրական աղետի այս օրհասական օրերին հայությունը դիմադրում է ու դիմանում. Մանսուրյան
Աշխարհահռչակ կոմպոզիտոր, ՀՀ ժողովրդական արտիստ Տիգրան Մանսուրյանը միացել է Արցախի խաղաղության փառատոնին։
«Այս էլ քանի տարի համընդհանուր մեր ոգեկանությունը, կամային ուժը, միասնականության ոգին, նաև Աստծո պարգևած խաղաղության տենչը միավորել է բոլորիս։ Այս էլ քանի տարի ու տասնամյակ մեր հոգեկան թռիչքների, առօրյա փոքր ու մեծ հոգսերի ներսում, ապագայի հետ կապված մեր երազանքների տարածքում գերեվարված մեր երկրի այն հատվածն է, որն իր մեջ այլևայլ կոթողների, հրաշալիքների հետ մեկտեղ Տիգրան Մեծի հյուսիսային մայրաքաղաքն է պահում»,- տեսաուղերձում ասում է Մանսուրյանը՝ արձանագրելով, որ այս գողտրիկ աշխարհն այսօր կրկին ծայրահեղ ծանր օրեր է ապրում, նորից մռայլ ամպեր են կուտակվել նրա չնաշխարհիկ երկնակամարում։
Մանսուրյանի խոսքով՝ մարդկային ու մարդասիրական աղետի այս օրհասական օրերին հայությունը դիմադրում է ու դիմանում, հիացմունքի բոլոր խոսքերը, սակայն, դառնահունչ և խռովահույզ։
«Մեր շուրջը տեղի ունեցող իրադրություններն այսօր մեզ նորից են ստիպում վերհիշել անցյալը։ Իմ ընտանիքի հիշողության մեջ մշտապես ներկա է կոտորածների հիշողությունս, մորս ապրած՝ 1915թ Եղեռնը և կնոջս հոր ապրած՝ Շուշիի՝ 1920թ. կոտորածը։ Այս կարգի իմ դեպքը եզակի չէ։ Անցյալի այս փաստերն այսօր մեզ հրամայում են բռունցք դառնալ, հակառակ՝ մռայլ իրականության ՝ վաղվա օրվա լույսի հանդեպ հավատավոր մնալ, ծառայել մեկ գերագույն նպատակի։ Իմ ձեռքին երբեք զենք չի եղել, իմ զենքը քնարն է, այս պահին երաժշտության մասին խոսելն էլ անպատեհ է, բայց ես ոգեշնչվում եմ կոմիտասյան մեղեդու շնչառությունից։ Այդ մեղեդին մեզ մեր հողին կապող զորավոր ուժն է»,- ասաց Մանսուրյանը՝ նշելով, որ հավատում է, որ մեր հավաքական ուժերով կլուծվի նաև այս թնջուկը, կհարթվի այս ուղին եւս, մենք պետք է ապրենք մեր հողերի վրա, արարենք ու շատանանք։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում