Ամազոնի անձրևային անտառում ժանիքներով նարնջագույն սարդի անհայտ տեսակ է հայտնաբերվել

Էկվադորում Ամազոնի արեւադարձային անտառներն ուսումնասիրելիս գիտնականները պատահաբար հանդիպել են նարնջագույն արարածի՝ ութ վերջույթներով և ժանիքներով:

Այդ արարածը՝ հսկա խեցգետին-սարդը, նոր տարատեսակ է և իր տեսակի մեջ առաջինը, որը հայտնաբերվել է երկրում, ասվում է Ecology and Evolution ամսագրում հրապարակված հետազոտության մեջ:

Կիտոյի Սան Ֆրանցիսկոյի համալսարանի գիտնականները նոր սարդակերպը հայտնաբերել են Յասունի կենսոլորտային արգելոցում՝ երկրի հյուսիս-արևելքում գտնվող աչեւադարձային անտառների պահպանվող տարածքում: Այն համարվում է աշխարհի ամենակենսաբազմազան տարածքներից մեկը։

«Նմուշները հավաքվել են ձեռքով, տեղափոխվել են լաբորատորիա պլաստմասե տարաներով՝ տերևներով ծածկած, կենդանի լուսանկարվել և էֆթանազիայի ենթարկվել», - ասացին հետազոտողները:

Նմուշները, որոնք բոլորն էլ էգեր էին, այնուհետև տեղադրվել են էթանոլի լուծույթում՝ ստերեոմիկրոսկոպի տակ հետագա ուսումնասիրության համար:

Այնուհետև պարզվել է, որ նորահայտ սարդակերպը պատկանում է Sadala Simon տեսակին, որը բաղկացած է մոտ մեկ տասնյակ սարդերից, որոնք հայտնաբերվել են ամբողջ Լատինական Ամերիկայում:

Ըստ Էկվադորի Կենսաբազմազանության ազգային ինստիտուտի զեկույցի՝ սարդակերպերը հայտնի են որպես խեցգետին-սարդեր՝ այն կեցվածքի պատճառով, որը նրանք ընդունում են բույսերի վրա նստելիս: Նրանք կանգնած են ոտքերը բացած, ինչպես խեցգետինները:

Նոր սարդը մեկ դյույմից երկար չէ և տարբերվում է տեսակի մյուս ներկայացուցիչներից մարմնի ձևի նուրբ տարբերություններով:

Սադալա Ռաուլի անունով սարդը գիշերային կյանք է վարում, անտառի հատակից մի քանի ոտնաչափ բարձրությամբ հետապնդող միջատներ է որսում, ըստ Կենսաբազմազանության ազգային ինստիտուտի: Ի տարբերություն շատ այլ սարդերի, այն չի հյուսում սարդոստայն՝ որսի համար։