Օդեսայի վրա հրթիռային հարձակումները նախօրեին Ղրիմի կամրջի վրա հարձակման «պատասխանն են». Կրեմլ
Ռուսաստանի նախագահի մամուլի քարտուղար Դմիտրի Պեսկովը հաստատել է, որ հուլիսի 18-ի գիշերը Օդեսայի նավահանգստային ենթակառուցվածքի վրա իրականացված հրթիռային հարձակումները «պատասխան հարվածներ են» նախօրեին Ղրիմի կամրջի վրա հարձակման համար։
ՌԻԱ «Նովոստի» գործակալության այն հարցին, թե արդյոք գիշերային հարձակումները «պատասխան հարվածներ» են եղել, Պեսկովը դրական է պատասխանել։
Ավելի վաղ հաղորդվել էր, որ ռուսական զինված ուժերը «Հատուցում» գործողության շրջանակում հարձակվել են Օդեսայի շրջանի օբյեկտների վրա։
«Այս գիշեր Ռուսաստանի Դաշնության Զինված ուժերը բարձր ճշգրտության զինատեսակներով խմբային պատասխան հարված են հասցրել այն օբյեկտներին, որտեղ մոտորանավակերի կիրառմամբ ահաբեկչական գործողություններ են նախապատրաստվել Ռուսաստանի Դաշնության դեմ, ինչպես նաև հարձակում է տեղի ունեցել Օդեսա քաղաքի մերձակայքում գտնվող նավաշինական գործարանում դրանց արտադրության վայրին», - ասել է ՌԴ ՊՆ-ն։
Նախօրեին ՌԴ նախագահ Վլադիմիր Պուտինը «պատասխան» էր խոստացել Ղրիմի կամրջի վրա կատարված հարձակմանը։ Նա ասել էր, որ համապատասխան առաջարկները նախապատրաստվում են ՊՆ-ի կողմից։ Միևնույն ժամանակ, նախագահի խոսնակ Դմիտրի Պեսկովը պարզապես ասել է, որ Ղրիմի կամրջի վրա անօդաչու թռչող սարքի հարձակմանը պատասխանելու առաջարկը դեռ մշակման փուլում է։
Հուլիսի 17-ի գիշերը Ղրիմի կամրջի վրա հարձակվել են երկու անօդաչու, հաղորդում է ՌԴ Ազգային հակաահաբեկչական կոմիտեն։ Դրա հետևանքով կամրջի մի հատվածը քանդվել է, զոհվել է երկու մարդ:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են