ԵՄ-ն կոչ է անում Ռուսաստանին վերանայել իր որոշումը և անհապաղ վերսկսել «հացահատիկի գործարքը»
Եվրամիությունը (ԵՄ) դատապարտում է «հացահատիկի գործարքը» դադարեցնելու Ռուսաստանի որոշումը, հայտարարել է Ռուսաստանում ԵՄ պատվիրակությունը։ Այս մասին գրում է kommersant.ru-ն:
Ըստ ԵՄ-ի՝ «Ռուսաստանը միանձնյա արգելափակում է Ուկրաինայից արտահանման կարևորագույն ուղիներից մեկը»։ Եվրոպան կարծում է, որ Մոսկվան «ամբողջական պատասխանատվություն է կրում ամբողջ աշխարհում հացահատիկի մատակարարման ընդհատումների և պարենային ապրանքների համաշխարհային գների աճի համար»։
Ըստ ԵՄ-ի՝ «հացահատիկի գործարքը» օգնել է ապահովել գրեթե 33 միլիոն տոննա հացահատիկի և պարենի անվտանգ արտահանումը 45 երկիր:
«ԵՄ-ն կոչ է անում Ռուսաստանին վերանայել իր որոշումը և անհապաղ վերսկսել Սևծովյան հացահատիկի նախաձեռնության իրականացումը»,- ասվում է ԵՄ պատվիրակության հայտարարության մեջ, որը հրապարակվել է Telegram-ում։
Հիշեցնենք, որ նախօրեին ՌԴ նախագահի մամուլի քարտուղար Դմիտրի Պեսկովը հայտարարել էր, որ «հացահատիկի գործարքի» պայմանավորվածությունները դադարել են գործել, գործարքը դադարեցվել է:
«Փաստացի սևծովյան պայմանավորվածություններն այսօր դադարել են գործել: Ինչպես ավելի վաղ ասել էր ՌԴ նախագահը, վերջնաժամկետը հուլիսի 17-ն է: Ցավոք, Ռուսաստանին վերաբերող հատվածը մինչ օրս չի կատարվել, հետևաբար դրա գործողությունը դադարեցվել է», - պարզաբանել էր Կրեմլի խոսնակը:
Նա ընդգծել էր, որ հենց որ կատարվի պայմանավորվածությունների ռուսական մասը, Ռուսաստանը «անհապաղ կվերադառնա այս գործարքի իրականացմանը»։
Սևծովյան նախաձեռնությունը, որը ստորագրվել է 2022 թվականի հուլիսի 22-ին Ռուսաստանի, Թուրքիայի, Ուկրաինայի և ՄԱԿ-ի ներկայացուցիչների կողմից, ներառում էր ուկրաինական հացահատիկի և պարենի, ինչպես նաև պարարտանյութերի արտահանումը Սև ծովով: Դա փաթեթային գործարքի մի մասն էր: Երկրորդ մասը՝ Ռուսաստան-ՄԱԿ հուշագիրը, որը նախատեսված է երեք տարվա համար, նախատեսում է սննդամթերքի և պարարտանյութերի ռուսական արտահանման ապաշրջափակում, Ռուսաստանի գյուղատնտեսական բանկի վերամիացում SWIFT-ին, գյուղատնտեսական տեխնիկայի, պահեստամասերի և ծառայությունների մատակարարումների վերականգնում, և Տոլյատի-Օդեսա ամոնիակային խողովակաշարի շահագործման վերականգնումը։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գալյանը դեմ չէ, որ կառավարության նիստը սկսվի աղոթքով
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Տղամարդկանց շրջանում ամենատարածված պլաստիկ միջամտությունը կրծքի վիրահատությունն է
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
Փաշինյանը նոր խորհրդական ունի
Ռուսաստանը ցուցադրում է Կենտրոնական ռազմական շրջանի պատմության մեջ առաջխաղացման ամենաբարձր տեմպը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...