Հոգեբանները հայտնել են, թե ինչու են մարդիկ հարաբերություններից խուսափում

Սիրո ձգտումը մարդկության հզոր մոտիվատորներից է: Սիրո են ձգտում մեզանից շատերը, դա այն բանի մի մասն է, որը մեր կյանքին իմաստ է հաղորդում, պնդում են Glendon ասոցիացիայի հոգեբանները՝ նշելով, ի դեպ, որ այն մարդուն չի խանգարում հարաբերությունների հանդեպ կործանարար գործել: Այս մասին հայտնում է Planet-today-ը:

Մարդիկ տարբեր պայմաններում են մեծանում, հարաբերությունների մասին տարբեր գաղափարներ ունեն, սիրո մասին՝ տարբեր հայացքներ եւ համոզմունքներ: Հոգեբանները, սակայն, պնդում են, որ չնայած այս ամենին, բոլորը (մեծ մասամբ) օժտված են անիրական վախի որոշակի մակարդակով՝ կապված սիրո օբյեկտի հետ:

Մարդկանց գերակշիռ մասը հարաբերություններին երկակի է վերաբերվում: Նրանք մտերիմ լինելու չգիտակցված վախ ունեն եւ միեւնույն ժամանակ մենակությունից էլ են վախենում: Այս վախը ոմանց ստիպում է դիմադրել մտերմությանը: Կամ դա հանգեցնում է նրան, որ վախը նրանց ստիպում է կառչել հարաբերություններից: Նրանք մշտապես անհանգստանում են կորցնելու վախից: Հարաբերությունները հաճախ այն բանի արդյունքն են, երբ մարդիկ հակադիր վիճակերի միջեւ հավասարակշռություն են ստեղծում:

Հաճախ ենթագիտակցական վախ է առաջանում, որ շատ դժվար է սեր գտնել եւ էլ ավելի դժվար է այն երկար ժամանակ պահպանել: Անկախ այն վախից, որ զուգընկերը կարող է հեռանալ կամ հարաբերություններ հաստատելու կամ պահպանելու փորձերից, սերն ինքնին մարդու անկախությունը սահմանափակում է, եւ սա կարող է ստիպել այնպես վարվել, որ հարաբերությունների համար կործանարար հետեւանքներ ստեղծվեն:

news.am