Սարատովում պատուհանից ցած ընկած դեռահասները ծննդյան տարեդարձ էին նշում

Սարատովում շենքի 5-րդ հարկի պատուհանից ցած ընկած դեռահասները հյուր են եղել ծանոթի ծննդյան տոնակատարությանը, նստել են պատուհանագոգին եւ ցած ընկել: Այս մասին հայտնում է ՌԴ ՆԳՆ տարածաշրջանային վարչության տելեգրամյան ալիքը:

Ավելի վաղ հետաքննությունը հայտնել էր, որ ստուգում է անցկացվում երկու 17-ամյա դեռահասների հոսպիտալացման փաստով, որոնք ընկել են Սարատովում գտնվող շենքի 5-րդ հարկի պատուհանից: Դատախազության տվյալներով՝ միջադեպը տեղի է ունեցել լույս չորեքշաբթի գիշերը Գվարդեյսկայա փողոցի 3Ա շենքում։

«Գիշերվա ժամը 3-ի սահմաններում տուժածները, գտնվելով Գվարդեյսկայա փողոցում գտնվող բնակելի շենքի 5-րդ հարկում գտնվող բնակարանում, ծանոթի ծննդյան տոնակատարության ժամանակ, նստել են պատուհանագոգին, որի փողոցի կողմից տեղադրված է եղել բույսերի համար նախատեսված կոնստրուկցիա։ Այս կառույցի փլուզման հետեւանքով պատուհանագոգին նստած երիտասարդները չեն կարողացել պահել իրենց եւ ցած են ընկել։ Տուժածները հոսպիտալացվել են», - ասվում է հաղորդագրության մեջ։

Նշվում է, որ տուժածներից բացի բնակարանում գտնվել են 16-ից մինչև 24 տարեկան մի խումբ երիտասարդներ: