«Տիտանիկ» նավի մոտ ուղևորվող բատիսկաֆի՝ 5 տուրիստներից կազմված անձնակազմին դեռ չեն գտել. ինչ է հայտնի դեպքից

Մեծահարուստ 5 տուրիստներին սուզված «Տիտանիկ»-ի մոտ ուղեկցող բատիսկաֆի ուղևորների որոնողափրկարարական աշխատանքները շարունակվում են։

ՏԱՍՍ-ը տեղեկատվություն է հավաքել միջադեպի մասին։

Նշվում է, որ հունիսի 19-ին OceanGate Expeditions-ը կորցրել է կապը «Տիտան» անվամբ բատիսկաֆի հետ, որը նախատեսված էր զբոսաշրջիկներին Տիտանիկի խորտակման վայր հասցնելու համար: Նավի վրա հինգ մարդ կա։ Նրանց հետ կապն ընդահատվել է սուզվելուց մոտ 1 ժամ 45 րոպե հետո։ Ընդհանուր առմամբ, «Տիտանը» կարող է իր մեջ գտնվող մարդկանց օդով ապահովել 96 ժամվա ընթացքում։

Sky News-ի համաձայն՝ «Տիտան»,-ում են OceanGate Expeditions-ի նախագահ և հիմնադիր Սթոքթոն Ռաշը, ֆրանսիացի Պոլ-Անրի Նարջոլեն, բրիտանացի միլիարդատեր Համիշ Հարդինգը, ով Action Aviation-ի սեփականատերն է, 48-ամյա պակիստանցի գործարար Շահզադա Դաուդը և նրա 19-ամյա որդին՝ Սուլեյմանը։

Լեգենդար «Տիտանիկը» գտնվում է Ատլանտյան օվկիանոսի հատակին՝ շուրջ 4 կմ խորության վրա։ Այժմ փրկարարները որոնում են դեպի «Տիտանիկն» ուղևորված բատիսկաֆի անձնակազմին. Սա մարդկության պատմության մեջ ամենամեծ խորության վրա իրականացվող փրկարարական օպերացիան է։