Փաշինյանը ստում է, հնարավորություն եղել է Շուշիի պահպանմամբ հրադադար կնքելու. Մամիջանյան
Արդեն որերորդ անգամ Փաշինյանը խոսում է զինվորներրի կյանքերը փրկելու մասին, և արդեն որերերդ անգամ այդ զինվորների թիվը փոփոխվում է։ Այսօր հրավիրված մամուլի ասուլիսում հայտարարել է ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը։
Նշենք, որ 44-օրյա պատերազմի հանգամանքներն ուսումնասիրողՀՀ ԱԺ քննիչ հանձնաժողովի հունիսի 20-ի նիստում Նիկոլ Փաշինյանը հատարարել էր, որ Շուշիի անկումից հետո ստիպված էր ստորագրել 2020 թվականի նոյեմբերի 9-ին եռակողմ հայտարարությունը, քանի որ, այնուհետև հարվածի տակ էր հայտնվելու նաև Ստեփանակերտը և շուրջ 25 հազար զինվոր կհայտնվեր շրջափակման մեջ լինելու վտանգի տակ։
«Մի անգամ ինքն ասել է 20 հազ. զինվոր՝ 2020 թվականի նոյեմբերի 12-ին, նոյեմբերի 16-ին 30 հազ. զինվոր էր փրկում։ Հիմա, պարզվեց, 25 հազ զինվոր է փրկել։ Սա լավագույնս ցույց է տալիս, որ հայ զինվորի կյանքը Փաշինյանի համար արժեք չունի։ Դա երևում է նաև նրա գործողությունների հետագծից»,- ասաց նա։
Մամիջանյանն անդրադարձավ նաև հոկտեմբերի 19-ին արտախորհրդարանական ուժերի հետ Փաշինյանի հանդիպման մանրամասներին։ Նրա փոխանցմամբ՝ ՀՀԿ-ից այդ հանդիպմանը մասնակցել է նաև Էդուարդ Շարմազանովը եւ այդ հանդիպմանը Փաշինյանը հայտարարել է, որ Արցախյան Երկրորդ պատերազմն արդեն իսկ տանուլ է տրված։ Նա նաև հայտնել է, որ ինքն է խնդրել ՌԴ-ին՝ Սյունիքում տեղակայել Ռուսաստանի Դաշնության դրոշներ։
«Ինքը նշեց՝ իբր իր համար «կարմիր գիծ» էր Շուշին, և Սյունիքով ճանապարհի, կամ ինչպես ադրբեջանցիներն են ասում, «միջանցքի» տրամադրումը։ Շուշիի մասին խոսելիս՝ Փաշինյանը փորձում է մանիպուլացնել փախստականների վերադարձը՝ ներկայացնելով, որ, իբր, 90 տոկոս ադրբեջանցիներով բնակեցված Շուշին փաստացի չէր լինի Արցախի Հանրապետության տիրապետության տակ»,- ասաց նա։
Ըստ Մամիջանյանի՝ նոյեմբերի 9-ի եռակողմ հայտարարության տեքստով նախատեսված է փախստականների վերադարձ։ Նա հրապարակային հետաքրքրվեց՝ արդյո՞ք այս ամբողջ ընթացքում որևէ ադրբեջանցի եկել է Արցախի Հանրապետության տիրապետության տակ գտնվող տարածք։
«Հետևաբար, ներկայացնել, թե, իբր, նմանօրինակ ձևակերպումը ենթադրում էր Շուշիի կորուստ՝ մանիպուլյացիա է»,- հայտարարեց նա՝ ընդգծելով, որ Փաշինյանը ստում է, քանի որ այդ օրը հնարավորություն կար Շուշիի պահպանմամբ հրադադար կնքելու։ Ըստ Մամիջանյանի, նոյեմբերի 9-ի հայտարարությամբ, նույնկերպ, այժմ էլ նախատեսվում է Փաշինյանի համար «կարմիր գիծ» համարվող Սյունիքի ճանապարհի ապահովումը՝ ռուսական անվտանգության սահմանապահ ծառայության միջնորդությամբ։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)